影片
更多
2020-07-26
94 瀏覽
之前都去過樓下冰室食嘢，就係食佢嘅招牌瑞士雞髀🍗都已經覺得好入味好好食，而且個瑞士汁係我鍾意甜甜地嘅味道。而今次再次經過樓下冰室，決定食下招牌以外嘅產品！飲品方面叫咗綠豆椰汁冰，杯底下滿滿綠豆，飲每一啖都有🤩甜度適中，配上椰汁感覺清新！當然唔少得叫咗個招牌嘅瑞士雞髀！水準保持到！同上次食嘅一模一樣！唔會質素參差^_^煮食方面叫咗個咖喱牛腩飯，牛腩炆得好淋，有小小根但係唔會好煙韌，入面有薯仔，不過牛腩嘅份量比較多🤩足料抵食！仲叫咗個吉列豬扒配雜果沙律，佢會配一個滑蛋三文治，呢個餐真係兩個人share食都得，因為最後我都有成份三文治食唔晒😅吉列豬扒係即刻炸嘅，唔會太油膩，豬扒肉味亦夠濃，旁邊黐住少少脂肪，仲有條骨添🤣真係好大塊！另外佢個雜果沙律亦都唔係用罐頭嘅水果，值得一讚！食咗咁多肉就叫返個菜食啦！我哋叫咗芝士焗西蘭花，份量又係好多，睇圖片都見到佢啲芝士完全係唔吝嗇😂啖啖芝士，本身想食返個清淡啲嘅菜又變成邪惡🤣不過都好食！兩個人叫到成枱都係嘢食都只係$191🤩真係大件夾抵食！
飲品方面叫咗綠豆椰汁冰，杯底下滿滿綠豆，飲每一啖都有🤩甜度適中，配上椰汁感覺清新！
當然唔少得叫咗個招牌嘅瑞士雞髀！水準保持到！同上次食嘅一模一樣！唔會質素參差^_^
煮食方面叫咗個咖喱牛腩飯，牛腩炆得好淋，有小小根但係唔會好煙韌，入面有薯仔，不過牛腩嘅份量比較多🤩足料抵食！
仲叫咗個吉列豬扒配雜果沙律，佢會配一個滑蛋三文治，呢個餐真係兩個人share食都得，因為最後我都有成份三文治食唔晒😅吉列豬扒係即刻炸嘅，唔會太油膩，豬扒肉味亦夠濃，旁邊黐住少少脂肪，仲有條骨添🤣真係好大塊！
另外佢個雜果沙律亦都唔係用罐頭嘅水果，值得一讚！
食咗咁多肉就叫返個菜食啦！我哋叫咗芝士焗西蘭花，份量又係好多，睇圖片都見到佢啲芝士完全係唔吝嗇😂啖啖芝士，本身想食返個清淡啲嘅菜又變成邪惡🤣不過都好食！
兩個人叫到成枱都係嘢食都只係$191🤩真係大件夾抵食！
張貼
