劉興記生煎包專門店

營業中

休息中

每次經過此店總必有長長人龍，今日早咗收工決定挑戰一下，排咗10分鐘有位。店舖面積不算很大，大概有十張二人枱，坐低即刻用手機落單。我目標清晰，唔使2分鐘就點好晒菜，雖然只有自己一人，卻點了多款試試。招牌生煎包 $30/4隻我跟住指示進食，先慢慢咬開表層嘅皮，喝了一小啖湯，跟住再點啲醋食埋剩返嘅湯加餡料，肉湯入面食到有香濃胡椒味，豬肉以新鮮梅頭肉製，食到最底咬埋個脆皮，啖啖都有唔同嘅口感，不失為招牌菜。蔥油拌麵 🍜$30麵上放上濃香嘅蔥油，撈埋秘製醬汁一齊食，麵質夠爽身彈牙，麵條的顏色平均，每啖都充滿蔥油醬汁。蔥油雞扒菜飯 $42雞扒炸得香脆，我特別欣賞個菜飯，混入大量嘅菜，飯乾爽得來啖啖都有菜入口。不過眼闊肚窄，最後打包咗同家人分享。總括而言，招牌生煎包出色，有機會想試埋蟹粉生煎包。