杏甜品 (香檳大廈) (已結業)

星期六係尖沙咀食完晏，想搵地方食下甜品，經過見到姨間杏甜品，話試吓先！招牌杏汁波液爽冰木蓮凍(另外加$10有4拼)-$75(4.5/5)4拼我地選左龍眼爽冰，芒果爽冰，士多啤梨爽冰，榴蓮爽冰。本身$65話已經包一個口味既爽冰，想試多幾款所以話加$10。果然無加錯，芒果同榴連爽冰勁勁勁重芒果同榴連味，龍眼爽冰好特別，入面真係有龍眼肉，幾推薦大家試下，士多啤梨爽冰都好食。佢入面仲有4色小芋圓，青鑽同杏汁，仲有木蓮凍，木蓮凍口感同涼粉好似，成碗野勁大碗，絕對對得住個價錢。生磨合桃露，加$8核桃碎同$12小丸子-$52(4.5/5)合桃露勁濃勁滑！我覺得加左$8合桃碎令到口感豐富左勁多！不小丸子話純純個人想食😂不是就算乜都唔加就咁合桃露都好好食！糖不甩-$20(4.5/5)勁好食，煙煙韌韌好好咬，椰絲，糖同花生碎都比勁多。佢隻碗仔勁靚！成件事令到食個糖不甩都好高級👍🏻😂總結：成間店都裝修得幾靚，幾chill 。男員工勁有禮貌。三樣甜品都好好食！好多野都想下次再黎試。