樂天皇朝 (利舞臺廣場) (已搬遷) 新店位置

朋友要移民，約去銅鑼灣飲茶，我哋揀咗一間坐得舒服啲嘅＂樂天皇朝＂坐低見餐牌就比五彩繽紛八色小籠包吸引住，唔使講先來一籠先😋小籠包唔止賣相靚，食感更佳，店員窩心嘅介紹，要從淡味食起; 分別有原味、絲瓜、鵝肝，黑松露、芝士、蟹粉、蒜香、川味。每款口味各有特色，但都係皮薄餡靚，多湯汁，肉汁鮮美。特別在於原味好清甜，川味香口得黎唔算辛辣，黑松露同蟹粉入口都有濃郁嘅香味，好滿足。蘿蔔絲酥餅係朋友飲茶必點的點心，酥脆可口，一啲都唔油膩，餡料蘿蔔絲爆棚清甜，層次分明，而椒鹽黃花魚，炸得非常金黃，魚肉鮮白，食得出新鮮嫩滑。