影片
更多
2020-02-07
78 瀏覽
農曆年放假梗係要約食肉獸出去食好嘢啦。今日走入馬鞍山拜年，老友就帶咗我去食泰國嘢。我哋六點去到好早，去到就有得入座。呢間餐廳都幾大間，環境氣氛都唔錯，啲枱凳又夠大，坐得好舒服，招呼好好，真係幾好 FEEL。食物方面選擇都唔少。頭盤我哋點咗個拼盤，有蝦餅、魚餅、春捲、肉碎生菜包。蝦餅夠彈牙，魚餅不過不失，春捲 OK 喎，好香脆，肉碎炒得好乾爽，調味又啱啱好，唔使包生菜就咁食肉碎都好正。食肉獸點少得啖啖肉㗎，叫左半隻泰式去骨海南雞真係唔少得。海南雞賣相唔錯，皮光肉滑，見到都流曬口水啦。隻雞本身夠味，唔點汁都ok，絕對冇得輸，正。食肉獸本身唔鍾意食菜，但係畀個菜名吸引咗: 參峇炒羊角豆 (Stir fried Okra with Sambal) 中文完全唔明，睇英文先知其實係一隻東南亞醬料炒秋葵。Sambal 唔係周圍有得食，而且每一間鋪頭都有自己秘方，呢間就偏向番茄味重，少少少少辣 only，炒秋葵都幾 match。新年點少得兩杯㗎，我點咗個 Sun Thai Beach, 有泰國冧酒, 青檸汁... 再加幾塊薄荷葉，酸酸甜甜幾開胃。老友就簡單啲，就咁叫咗個薄荷梳打。點解話佢服務好呢，一開
我哋六點去到好早，去到就有得入座。呢間餐廳都幾大間，環境氣氛都唔錯，啲枱凳又夠大，坐得好舒服，招呼好好，真係幾好 FEEL。
食物方面選擇都唔少。頭盤我哋點咗個拼盤，有蝦餅、魚餅、春捲、肉碎生菜包。
蝦餅夠彈牙，魚餅不過不失，春捲 OK 喎，好香脆，肉碎炒得好乾爽，調味又啱啱好，唔使包生菜就咁食肉碎都好正。
食肉獸點少得啖啖肉㗎，叫左半隻泰式去骨海南雞真係唔少得。
海南雞賣相唔錯，皮光肉滑，見到都流曬口水啦。
隻雞本身夠味，唔點汁都ok，絕對冇得輸，正。
食肉獸本身唔鍾意食菜，但係畀個菜名吸引咗: 參峇炒羊角豆 (Stir fried Okra with Sambal) 中文完全唔明，睇英文先知其實係一隻東南亞醬料炒秋葵。Sambal 唔係周圍有得食，而且每一間鋪頭都有自己秘方，呢間就偏向番茄味重，少少少少辣 only，炒秋葵都幾 match。
新年點少得兩杯㗎，我點咗個 Sun Thai Beach, 有泰國冧酒, 青檸汁... 再加幾塊薄荷葉，酸酸甜甜幾開胃。
老友就簡單啲，就咁叫咗個薄荷梳打。
點解話佢服務好呢，一開始呢嗰杯只係得幾塊薄荷葉，老友鍾意重口味，所以同經理講 講想加多少少薄荷葉， 經理二話不說就幫我哋去水吧搞掂，今時今日呢啲服務態度真係好難得，一定要讚。
張貼
