Briketenia (已改名) 查看

北角匯入面有間隱世既法國菜，食物有質素之外環境都非常舒適，雖然位置唔太起眼，但絕對值得推介一試。如果紀念日或日慶祝節日，呢間餐廳係一個好既選擇。Starter叫左周打蜆湯再加法式鵝肝焦糖燉蛋配田園沙律。湯有好多料，蜆好鮮甜肥美，非一般好飲。起初我都麻麻地鵝肝，但呢個法式鵝肝醬再加麵包幾好食，幾易入口，加埋柚子醬解解油膩感。餐包有個重點係個蛋黃醬，係由魚柳同自家製蛋黃醬整成，之前未食過呢個味但好好味。主茶就叫左香烤肉眼扒配薯條及小甘筍，份量好夠，有啲炭燒嘅感覺，叫左7成熟，但完全一啲都唔會柴，又夠林，仲要配埋薯菜都幾抵食。另一個主菜叫咗波士頓龍蝦扁意粉伴龍蝦汁，龍蝦已經預先起咗肉啦，扁意粉掛晒啲龍蝦汁，但完全唔會覺得好稠嘅感覺，而且份量都好多食晒成個都唔會覺得好漏。餐廳環境好高級，員工都非常之有禮貌，大廚都會主動同客人溝通，法國菜來講都幾有誠意，情侶嚟到個環境都幾浪漫同埋舒服，價錢對比起一般高級西餐廳來講又唔會話太貴，性價比都幾高，節日或者紀念日絕對一個好選擇。