大丸ラーメン

營業中

休息中

拉麵關注組長期大熱，相信一眾拉麵迷都有聽過呢間舖頭 今次就嚟試吓位於大角咀嘅大丸。面有得揀粗麵或幼麵。油有得揀普通油，多油或少油。食完之後仲可以問店員攞昆布醋加落個湯度試吓個湯，蝦丸：主要用豬骨熬煮而成，再加蝦作為調味。一碗拉麵有3塊叉燒，木耳絲，蔥花，半隻糖心蛋同紫菜。呢碗拉麵嘅哈味好濃郁，右面更加可以吸收到下湯嘅精華，整體來講幾好食，但食到一半會覺得有少少漏。貝丸：呢個湯底係新出嘅，唔同於其他用豬骨熬煮而成，佢係用海鮮湯底熬煮而成嘅。呢碗拉麵有五隻好大隻嘅貝殼類，每隻都煮得啱啱好熟食到佢嘅鮮甜味。今次呢碗揀咗粗麵，都係普通油。呢碗有好濃郁嘅木魚碎嘅味道，粗面就更加帶出木魚嘅味。個人認為之後追加左半個幼麵好食啲，但朋友覺得粗麵好食啲。果然拉麵嘅口味真係好因人而異，各花入各眼。整體而言 兩碗拉麵嘅水準都係中上，係值得一試，如果唔使排咁耐隊就更好啦。