$58「叉燒魚介豚骨醬油拉麵🍜」，加 $15「轉套餐 配1款小食（3件）＋罐裝汽水」：拉麵湯底幾濃郁，叉燒夠軟熟，拉麵口感有啲煙靭🤣，咁嘅價錢喺香港嚟講真係超級抵食👍
小食揀咗「韭菜餃子🥟」：餃子🥟係炸嘅，成隻餃子🥟外皮炸到脆卜卜，同日式餃子有啲分別，呢個更加香口🤣
大熱天時飲凍冰冰嘅可口可樂就梗係好飲啦🤣
$58「蒜蓉時蔬」：時蔬係菜心，菜心新鮮，夠晒爽脆，簡單用蒜蓉炒已經好好味😋
$48「黑椒豬手」：豬手起咗肉切成一片片bite size，食得好方便🤣，豬肉肉質軟熟得嚟有少少爽滑，黐住嘅豬皮就更加滑，感覺有好多骨膠原🤣，仲有一小兜蒜蓉黑椒醬汁可以要嚟沾豬手食，咁就更加惹味🤣
$188「白切走地雞」：呢隻走地雞非常好雞味👍，肉質亦都結實爽滑，估計佢生前喺地下走嚟走去走好多路，有可能係長跑好手🤣
1
