麵屋神匠

營業中

休息中

📍旺角 麵屋神匠成日去開旺角都見到呢一間拉麵店大排長龍，今日終於有機會試一試。離遠已經見到佢啲燈籠掛滿晒喺玻璃牆外，唔使驚行過間餐廳。佢地有一人餐同二人餐可以選擇，嗌嘅時候就唔使左揀右揀☺️。今日同朋友就叫咗個二人餐，一人一碗拉麵之外，仲有一隻糖心蛋，同埋一份小食加飲品，食完已經捧住個肚。濃厚蝦湯拉麵佢哋嘅蝦湯真係非常出色，超級濃厚之餘亦都好重蝦味，另外配上蝦米仔亦都令到成個口感更加有咬口，而且佢嘅拉麵咬落去都頗為彈牙，基本上我會形容佢係幾出色嘅一碗拉麵。辛辣蝦湯拉麵朋友鍾意食辣，竟然呢度有辣味蝦湯拉麵，其實佢個湯頭同原味係一樣，只不過係加咗啲辣味落去，所以濃厚度都係非常十足，唯獨是食到去後面真係有少少辣，唔怕辣嘅朋友真係歡迎試一試，都真係幾惹味㗎😙。