URBAN Café Commune (屯門市廣場) (已結業)

今日入屯門練波之前，喺屯門市廣場搵嘢食，呢度嘅下午茶餐同其他餐廳好唔同，因為之前食過佢哋嘅牛角包，所以都知道質素唔會差。小龍蝦牛角三文治，呢個牛角包係比一般牛角包size細少少，小龍蝦肉質素好，食落彈牙有口感。拔絲超多芒窩夫，外型好吸引，睇落份量好大，外型似一個大雀籠，拔絲脆卜卜，唔會太甜，超多忌廉加埋芒果肉一齊食，更能增加窩夫吸引力，食落又唔會覺得太肥。焦糖牛奶咖啡，拉一個好似飛馬嘅公仔花，平時好少見呢種咖啡拉花，咖啡亦都有水平。