八時神仙草 (歌賦街)

營業中

休息中

中環依間「八時神仙草」係台中嘅過江龍甜品店，佢哋嘅自家製焙茶奶蓋好Jeng，仙草因為係天然無鹼製作，即使係外賣都品嚐到同樣滋味，仲要有巨型狗店長坐鎮，好得意吖！抹茶焙茶奶蓋雪花盛盤（單點$98），抹茶雪糕茶味濃香；焙茶奶蓋表面鋪有玄米，採用日本靜岡焙茶製作，口感幼滑，茶味濃厚；仙草雪花冰口感入口即化，內有仙草，拉絲效果突出，食落有纖維感，配以煉奶食用，味道更佳。芒果甘露盛盤（單點$58），內有芒果、西柚，味道酸甜，類似楊枝甘露；盛盤，好足料，芋圓、地瓜圓，內有芋泥、地瓜泥，口感厚實，紅豆口感綿密，味道香甜，紫米份量多，白玉珍珠口感彈牙。純萃嫩仙草（單點$48），仙草口感滑溜，食落好清涼，麻糬口感煙韌，食落甜度適中，圓仔口感軟糯。仙草芋泥牛奶冰沙（單點$45），奶味醇厚，略嫌芋泥份量比較少，飲落好清爽，內有仙草、白玉珍珠。