Passion (已搬遷) 新店位置

男朋友呢排成日話想食pizza，不過我又嫌食黎食去都係個幾間，好悶。聽朋友介紹，灣仔有間叫Passion by Gerard Dubois既cafe，依家有新既晚餐menu，幾好味，而且有賣pizza。所以今日收工就約埋男友去試下。本身唔好厚批，呢度既Pizza底烤得好薄好脆，正！pizza上面d肉腸好惹味，本來以為會好油膩，不過有d小芽菜，加埋一齊食，就多左一份清新，平衡返。雖然成個pizza好大份，但都係七十蚊有找，加上咁既質素，真係超值。呢度既蛋餅都值得一試！有香濃既蛋香，而且好厚好大件，食完之後好滿足！如果胃口比較細既朋友可以試下呢度d沙律，d菜好fresh，加埋ham，一淡一濃，味道好夾。最衰今日食得太飽，無食到甜品。下次一定要男朋友請我食個夠本！哈哈！