千両 (圓方)

營業中

休息中

千両係元氣既高級版，魚生及壽司質素確係新鮮D。試過食夜晚，但幾百蚊都唔夠飽，所以建議大家食Lunch Set.不過其他分店Lunch 都多人，elements 就少人d，而且話哂都係高價商場，質素應該比其他餐廳好，不過餐牌好似都貴過其他店。 點左兩個set,呢個係壽司烏冬set。炸蝦熱辣辣剛炸起，好彈牙，壽司都好新鮮，每一舊都有魚味同埋爽，而唔係一般壽司淡荗茂既橡膠質感。看似份量少，但加埋烏冬絕對夠飽，而且呢set係最平既飽肚set。而我就食左呢個魚生飯，蝦好鮮甜，而且非常黏口；吞拿魚有鮮魚味（而唔係一般平價餐廳味如嚼蠟既感覺）；三文魚肥美，但我而家已經無咁喜歡三文魚了；仲有蟹啖啖肉；帶子都鮮甜，不過略嫌細粒。