麗莎餐廳

營業中

休息中

見到佐敦麗莎餐廳既$168🍴二人悠閒餐幾抵食，決定外賣自取回家。等一陣就有得攞，返到屋企仲熱辣辣。🔥2人餐包沙薑雞半隻、自選小菜一個、清炒時蔬、兩碗例湯、兩個白飯及兩個飲品。呢個2人餐幾豐富，一家3口食都無問題。🐔沙薑雞雖然係半隻，分量都幾多，放入盒內都滿滿一盒。沙薑醬料醃得入味，雞肉滑嫩，食落惹味開胃。自選小菜揀咗小朋友最鍾意嘅咕嚕肉， 甜甜酸酸，咕嚕肉炸得鬆脆，保留肉汁👍👍🥬清炒白菜新鮮清甜，炒得幾有鑊氣。百零蚊經濟實惠，下次經過再嚟買先。