影片
以上資料只供參考, 請與餐廳確認詳情
黎到佐敦行完搵野食 佐敦都多小店可以揀既 行行下見到呢間又見openrice都多食評就試下呢間啦，環境都算係舒服，有卡位既。最後係點左肥牛粉絲煲同薯仔牛柳粒。晚餐都有湯包埋，熱飲加3蚊，叫左熱檸檬茶，正常味道，沒特唔特別吸引。肥牛粉絲煲，牛既口感都算林同易咀爵，同埋都係細細塊既牛，唔同有啲粉絲煲都係大塊啲咁上。整體黎講係ok不過三色椒整得唔夠林，同椒味道唔夠。薯仔牛柳粒，薯仔同牛柳粒都一樣係細細粒，薯仔整到有啲脆既口感而牛柳粒就唔係入口係林既口感，係香港好少餐廳做到既口感，不過呢度既牛柳粒都算係易入口既口感，易咀爵因為細粒。自己會比較喜歡食熱辣辣既飯再食餸，呢度既飯未算熱辣辣個種。。。。整體黎講。。。食物質素叫做ok。今次係因為未試過就試下。
繼續閱讀
今次我和姊妹來佐敦，品嚐粵菜美食「麗莎餐廳」，菜式種類繁多，歡聚閒談享受佳餚的好地方。我們選了二人翡翠餐，沙薑鹽焗雞半隻，清炒白菜仔，自選小菜，白飯兩個及例湯兩個，飲品二杯，另在十二款自選小菜入面選一款。沙薑鹽焗雞半隻沙薑鹽焗味香濃，半隻雞食下來肉質嫩滑，細膩美味。清炒菜仔菜仔食落爽口，口感煙靱，充滿優雅不膩的滋味。白飯及例湯白飯及例湯各兩個，白飯粒粒分明，例湯味道幾好。椒鹽豬扒椒鹽豬扒食落啖啖肉，肉質彈牙，真心很好味。家鄉煎釀豆腐單單看樣子已經令人唾涎三尺，煎釀豆腐煎得香脆，吃得滿足。凍咖啡及凍檸茶我們選了凍咖啡及凍檸茶，飲落幾解膩。麗莎餐廳（佐敦）地址：佐敦白加士街15號地舖
繼續閱讀
好耐冇見嘅朋友由英國返嚟，話好掛住港式嘢，最後搵到呢間除咗可以叫小菜，仲有酸菜魚，雞煲，烤魚食嘅餐廳 🍽️★̆̈ 蜜椒薯仔牛柳粒 $98 薯仔略略炸過，外層帶少少脆口，牛柳粒好腍，配埋蜜椒汁好開胃超惹味！★̆̈ 豉油皇煎封盲鰽 $118 魚皮煎到香脆，帶少少炸過嘅口感，食落有魚香味，完全冇腥味！魚骨係大骨，唔怕啃親，淋上自家製豉油撈埋碟上面煎魚嘅油食，層次更豐富 🥰★̆̈ 麗莎小炒皇 $88 呢個小炒皇啲料好豐富，有蝦、鮮魷、腰果、榨菜、韮菜花，再用XO醬炒香，送飯一流！叫小菜會跟飯同例湯，例湯係青紅蘿蔔湯，足料同煲到好入味 ☺️
繼續閱讀
說到麻辣雞煲🍲，那可是無數美食愛好者的心頭好！ 特別是🌬️寒冷的冬天，端上一鍋熱氣騰騰、香氣四溢的辣雞煲🐔，簡直能讓人口水直流🤤。今天，我們就來到位於佐敦的一間老茶《麗莎餐廳》。我哋一坐低，發現仲有下午茶，即刻就叫咗個🍴小食拼盤，咖哩角併雞翼，太耐無食過生炸雞翼了😋接著，我們點了個🔥熱辣辣惹味推介：整隻麻辣一品雞煲，都係288元，無加一，仲奉送🥬生菜一碟，跟埋🍚白飯及🥣例湯各兩碗。時間剛剛好，當我清晒個小食拼盤，主角🍲「麻辣一品雞煲」就登場了。😍 一打開蓋，嗰陣麻辣香即刻衝出嚟，搞到人口水都流。雞煲入面嘅🐓雞肉份量十足，仲吸晒啲🌶️麻辣湯底嘅精華，食到尾聲，最加埋個生菜🥬，輕輕滾一下就食得了。
繼續閱讀
同小朋友係中港城上完堂, 我地諗住近近地去佐敦食飯, 比尖沙咀少人, 但又有好多人情小店, 其中1間就係係白加士街嘅” 麗莎餐廳”. 呢度食物款式多, 有中餐雞煲烤魚, 西餐鐵板焗飯, 實有1款啱你口味.我地叫左個豉汁蒸倉魚, 賣相好靚, 魚肉新鮮又嫩滑, 仔仔自己一個差唔多食晒全條魚.爸爸就叫左麗莎雜扒鐵板餐, 佢話而家好少呢D懷舊又大件嘅雜扒鐵板餐, 所以一定要叫呢個. 雜扒餐入面有雞扒 + 豬扒 + 司華力腸 + 煙肉 + 火腿, 而配菜係薯角, 超級足料! 豬扒同雞扒都係厚切, 唔會過火鞋口, 司華力腸大大條, 係兒時嘅味道. 連爸爸咁大食都話食完係超級滿足, 值得 encore!食物好味, 呢度嘅店員都好好, 好快手又有人情味, 黎開佐敦一定會再黎!!
繼續閱讀