人生有限杯.串燒店

營業中

休息中

人生有限杯價錢經濟實惠🤩唔怪得星期日晚上個場都幾full，好彩預早訂左位，坐低冇幾耐已經滿晒人。呢度除咗串燒，仲有特飲和啤酒，串燒$10起就有交易，真係又平又抵食。推薦🤩鹽燒西班牙五花腩$10，呢個價錢冇得輸，五花腩嘅脂肪燒到脆口，肉質鮮嫩，上面仲有少少椒鹽香。 免治雞肉棒精粹在於入邊嘅免治雞肉鬆軟同埋一定要係日本靚蛋，月見汁甜甜地開胃。山椒鰻魚汁燒白鱔佢哋燒白鱔非常厚肉，山椒鰻魚汁小小甜少少辣，香口惹味。蒜蓉燒蠔燒蠔有超爆多炒蒜，蠔肉都幾大粒，咬落去仲係嫩滑多汁，同蒜蓉混合之後更好味。明太子忌廉烏冬明太子烏冬口感足味道香，軟滑嘅雞蛋黃同烏冬混合之後更加滑溜，明太子夠鹹香，食落烏冬有口感咸甜並重。豚肉荔枝卷一直都鍾意食荔枝嘅串燒，豚肉外層燒得乾身，入邊就有香甜多汁嘅荔枝。墨魚滑紫菜大蝦超好食，試過效果一流😳用紫菜卷墨魚滑蘸上芝再拎去炸，拼湊為一隻蝦，配上佢哋特色醬汁超香口，紫菜同芝麻嘅香氣同墨魚滑混合。焦糖雪糕三文治一定要食佢哋嘅招牌甜品🤩外層嘅多士非常香脆，滿滿焦糖香，中間嘅雪糕凍冰冰香濃雲呢拿味道，冷熱拼湊，非常特別。