青葉海鮮酒家 (昌泰街)

營業中

休息中

作為一間酒樓去計，佢哋嘅晚市優惠三寶真係抵食得好誇張，148蚊一隻片皮鴨仲要兩食真係難以置信，就算細隻極都係一隻鴨，所以我哋就揀咗佢。片皮鴨嘅size同我哋想像之中差唔多，唔算細隻啦，脂肪適中，片皮鴨係要有少少肥先至好食嘅，不過用嚟包片皮鴨嘅餅皮就唔夠熱。第二食係鴨肉炒涼瓜，鴨肉好足料，份量好多，不過涼瓜似乎太少，斬得求其啲，因為好多舊都連刀，直頭可以一抽夾起，味道其實係ok嘅，唯一缺點係唔夠熱。仲有糖水送，連埋加一茶芥嗰啲每人一百蚊都幾抵食。