滿福庭

營業中

休息中

今日和同事到鱷魚恤中心，滿福庭食午餐，餐廳裝修華麗，燈飾潔淨明亮，樓底高又無柱位，環境舒適，辦喜宴皆宜。今日自選一個午市套餐，$238三款㸃心、一個小食、一個粉麵，價錢合理。蜜汁义燒酥外皮鬆脆，义燒蜜味香濃又腍滑。迷你雜菜煲魚湯底雜菜煲，有西蘭花、小棠菜、雜菇、粉絲，加入蝦米，魚湯更加鮮甜。瑤柱菜苗餃菜苗餃晶瑩通透，選用豆苗、而餡料有蝦仁、炸香蒜子和瑤柱，濃濃蒜香，提昇餃子味道，非常好食。黑松露燒賣蝦仁、豬肉好新鮮，爽口彈牙，加上少許黑松露，賣相矝貴。鮮蝦星洲炒米星洲炒米夠哂鑊氣，蝦仁好大隻，而米粉炒得好乾身，味道唔錯，份量足夠兩個人食。