影片
更多
2023-11-13
130 瀏覽
真心好耐冇食過咁抵食又高質嘅cafe!!!入到屯門又唔想食屯門市中心嘅大路連鎖西餐廳，所以就揀咗近龍逸邨嘅犇道 Chef Ben Cafe and Steak Bar。由於喺屯門河畔隔離，餐廳嘅附近人流唔算多，非常清靜。但入到餐廳，只係七點左右竟然已經坐滿晒人！好彩同友人啱啱好坐到最後一張枱。餐廳佈置有心機，每張枱都放左好多靚靚花花。啲座坐得都幾舒服😌 餐廳仲一路播放音樂，非常chill!今次就嗌左個steak battle special set，超級抵食！包兩份沙津、餐湯、主食同飲品，都唔洗300蚊！如果想食多啲仲可以加少少錢加埋甜品同埋pasta 或者risotto，最後我哋加咗1個甜品同一個飯！先講個沙律，一啲都唔細碟，亦都唔係得啲羅馬生菜加頹頹沙律醬，而係有柚子醋做dressing再加唔同沙律菜例如火箭菜，好清新亦打開左個胃口😛 然後就黎咗餐湯，唔係罐頭湯而係真係用薯仔blend嘅法式薯仔濃湯，口感幼滑味道濃郁！好飲不過飲完都幾飽肚🤣🤣今次我地係個set加咗嘅香煎鮑魚蟹膏蟹肉意式燴飯，十級好味，可以話係做最啱嘅決定！一放左枱，個賣相已經好吸引，有鮑魚再加少少三文魚子放上面。聞
入到屯門又唔想食屯門市中心嘅大路連鎖西餐廳，所以就揀咗近龍逸邨嘅犇道 Chef Ben Cafe and Steak Bar。由於喺屯門河畔隔離，餐廳嘅附近人流唔算多，非常清靜。
但入到餐廳，只係七點左右竟然已經坐滿晒人！好彩同友人啱啱好坐到最後一張枱。餐廳佈置有心機，每張枱都放左好多靚靚花花。啲座坐得都幾舒服😌 餐廳仲一路播放音樂，非常chill!
今次就嗌左個steak battle special set，超級抵食！包兩份沙津、餐湯、主食同飲品，都唔洗300蚊！如果想食多啲仲可以加少少錢加埋甜品同埋pasta 或者risotto，最後我哋加咗1個甜品同一個飯！
先講個沙律，一啲都唔細碟，亦都唔係得啲羅馬生菜加頹頹沙律醬，而係有柚子醋做dressing再加唔同沙律菜例如火箭菜，好清新亦打開左個胃口😛
2人Set 沙律
4 瀏覽
0 讚好
0 留言
然後就黎咗餐湯，唔係罐頭湯而係真係用薯仔blend嘅法式薯仔濃湯，口感幼滑味道濃郁！好飲不過飲完都幾飽肚🤣🤣
餐湯
4 瀏覽
0 讚好
0 留言
今次我地係個set加咗嘅香煎鮑魚蟹膏蟹肉意式燴飯，十級好味，可以話係做最啱嘅決定！一放左枱，個賣相已經好吸引，有鮑魚再加少少三文魚子放上面。聞落已經有啲蟹膏味，再放入口，可以話係超重蟹膏味！勁好食，再加上個飯煮得啱啱好，粒粒分明仲有嚼勁，再加埋菇同一梳梳蟹肉，口感一流！真係食唔停口。再試埋個鮑魚，都有驚喜，煮得一啲都唔老，口感彈牙，加埋個醬同少少三文魚子，鮮味十足，再食啖飯，可謂絕配👍🏿🤤
蟹膏燴飯
3 瀏覽
0 讚好
0 留言
然後就黎左我地真正主菜7 oz牛扒加香煎深海石斑魚柳配白酒忌廉汁。
攞盤好靚！ 牛扒就叫左5分熟，切開真係啱啱好，仲保留到粉嫩😛食落去都仲保留住肉汁。雖然唔係話超有牛味但配埋燒汁或者落鹽食就啱啱好！至於個魚就做到外皮脆而肉一啲都唔老，加埋白酒忌廉汁一樣好好食！而啲薯條係粗身嘅，炸到脆身熱辣辣，好滿意！
7oz 廚師發辦牛扒 加 香煎深海魚
4 瀏覽
0 讚好
0 留言
3 瀏覽
0 讚好
0 留言
3 瀏覽
0 讚好
0 留言
甜品我地就加左個朱古力流心心牛角窩夫配雪糕，超級邪惡，仲配埋榛子醬😈一切開個牛角窩夫外面極鬆脆，入邊仲真係有榛子朱古力流出嚟，見到真係流口水🤤食落去外脆內軟再加滿滿朱古力醬，再加一啖雪糕，超級幸福！唔夠仲可以再點榛子醬，真係好好好正！
流心朱古力牛角酥配雪糕
3 瀏覽
0 讚好
0 留言
最後唔可以唔提飲品揀檸檬水或檸檬茶都係免費仼添！好開心！ 而今次另外叫左是日梳打，係荔枝味，清爽得來甜度適中😛食完咁多肉同燴飯依啲重口味嘅嘢，清一清個口感覺一流！
跟餐檸檬水同是日梳打
25 瀏覽
0 讚好
0 留言
整體來講真係食得好開心好滿足，而價錢都相當合理，好推薦大家朋友聚餐又或者一啲慶祝活動可以嚟食👍🏿仲有見到個lunch set望落都好抵，自己都諗住再嚟試！🤪🤪
張貼
