雲貴川

營業中

休息中

雲貴川有唔同分店，都有好多類似既名，而佐敦呢間就好高質又抵食，下次再黎佐敦都要再食呀！我地先黎主角水煮牛肉🌶🐄牛肉每片厚薄岩岩好，鮮紅色既牛肉好新鮮，牛味好濃，肉質嫩口，同牛肉差唔多色既水煮湯好辣，麻香十足，牛肉同配料都好入味，好食到爆呀！另外就緊係要試埋正宗川味自選小鍋-炸醬，估唔到呢個都咁好食，炸醬好香，碎晒既肉粒每一啖食落都充滿辣味，仲有少少花生味，米線撈埋黎食好香濃好好食，淨係炸醬都已經夠食晒一碗米線呀！最後再叫埋焯菜同涼拌大豆芽，大豆芽經涼拌汁撈勻之後好開胃，酸酸辣辣，大豆芽本身又爽口，焯菜都好新鮮，好唔錯！🥗