影片
更多
2020-10-21
84 瀏覽
放假近近地去屯門行街，又去左食馬拉野～～～之前已經食過呢間既白咖哩滲滲，覺得幾好食，所以今次又翻黎試其他野～呢到雖然只有小小一間店，但係有好多唔同既馬拉特式食物，而且價錢親民，值得一試架！咖哩雞可以選擇單點/跟白飯/跟椰漿飯，咖哩汁超香濃惹味，辣度適中，唔會太嗆口，撈飯食一流！雞肉質地尚可，雖然肉質唔係十分軟滑，但帶肥瘦適中既雞皮，而且份量足夠。肉骨茶配料有蛋，豬肉，冬菇，油炸鬼，豬肉略嫌唔夠淋，但帶軟骨位。冬菇同蛋超入味，好好食！呢間既肉骨茶唔重藥材味，反而好似帶少少胡椒既香味，撈飯食或者就咁飲都唔錯～飲品我地叫左凍檸茶同凍拉茶，檸茶正正常常。而拉茶方面係好飲既，茶底不嬲香，但今日既拉茶略嫌唔夠濃～
呢到雖然只有小小一間店，但係有好多唔同既馬拉特式食物，而且價錢親民，值得一試架！
咖哩雞
可以選擇單點/跟白飯/跟椰漿飯，咖哩汁超香濃惹味，辣度適中，唔會太嗆口，撈飯食一流！雞肉質地尚可，雖然肉質唔係十分軟滑，但帶肥瘦適中既雞皮，而且份量足夠。
肉骨茶
配料有蛋，豬肉，冬菇，油炸鬼，豬肉略嫌唔夠淋，但帶軟骨位。冬菇同蛋超入味，好好食！呢間既肉骨茶唔重藥材味，反而好似帶少少胡椒既香味，撈飯食或者就咁飲都唔錯～
飲品我地叫左凍檸茶同凍拉茶，檸茶正正常常。而拉茶方面係好飲既，茶底不嬲香，但今日既拉茶略嫌唔夠濃～
張貼
