馬拉公公

營業中

休息中

最近疫情緩和番少少，午市食肆又開返堂食，所以就去下屯門一間裝修咗冇耐嘅美食廣場，試下一啲新嘅食肆，嚟得美食廣場，梗係食下啲平時比較少見到嘅餐廳，馬拉菜就係一個好選擇啦。今次食呢間叫做馬拉公公，聽講話係店主公公 係馬拉人，所以就開咗間呢個餐廳。以美食廣場店舖嚟講，餐廳都叫唔少選擇，今次就嗌咗一碗炸豬扒叻沙、雜錦咖喱海鮮飯，再加咗個小食嚟試。 雜錦咖哩海鮮飯啲咖哩味香濃 ，而且海鮮嘅種類都非常多，算係誠意之作。值得一提的是個小食係即叫即製，餅皮熱辣辣而且十分鬆脆，醬料份量都好多，都值得加錢去點一點。飲品方面，只需要加六蚊就可以加配一杯馬拉拉茶，味道及得上出面廿幾蚊一杯嘅珍珠奶茶，整體嚟講性價比都好高。