影片
更多
2020-09-22
707 瀏覽
平時好少去葵興光輝圍嗰頭，淨係知呢度有間嘉寶🤪 機緣巧合下嚟到搵食，搵到呢間細細間嘅上海菜小店，夜晚食個飯都係50幾蚊，經濟實惠又好食～😋 上海排骨菜飯 配糖醋汁 $47上海菜嘅排骨即係豬扒，呢度嘅排骨炸得好香！個皮好脆，最正係皮同肉係黐埋一齊，豬扒唔可以話超鬆化但都有啲脂肪，所以食落唔嚡同唔乾，即叫即炸熱辣辣😝 個菜飯有好多菜，除咗菜之外仲有冬菇粒，不過唔知係咪因為冷氣吹住所以凍咗同啲飯都乾咗啲，扣咗少少分。😋 凍豆漿 跟餐+$7已經唔只一次去其他黃店叫豆漿會嚟咗支寫住中國製造嘅產品，呢支凍豆漿係香港製造，見到已經好開心🥳 呢支豆漿豆味重，仲要唔太甜😗聽講呢度嘅豆沙鍋餅、擔擔麵同埋酸辣湯都好正，一定會再去試😁
😋 上海排骨菜飯 配糖醋汁 $47
上海菜嘅排骨即係豬扒，呢度嘅排骨炸得好香！個皮好脆，最正係皮同肉係黐埋一齊，豬扒唔可以話超鬆化但都有啲脂肪，所以食落唔嚡同唔乾，即叫即炸熱辣辣😝 個菜飯有好多菜，除咗菜之外仲有冬菇粒，不過唔知係咪因為冷氣吹住所以凍咗同啲飯都乾咗啲，扣咗少少分。
😋 凍豆漿 跟餐+$7
已經唔只一次去其他黃店叫豆漿會嚟咗支寫住中國製造嘅產品，呢支凍豆漿係香港製造，見到已經好開心🥳 呢支豆漿豆味重，仲要唔太甜😗
聽講呢度嘅豆沙鍋餅、擔擔麵同埋酸辣湯都好正，一定會再去試😁
張貼
