龍川上海料理

街坊小店，裝修樸素，地方唔算闊落，都坐到好幾枱人，無論店員定係食客都好有人情味。小籠包 （$39）粒粒爆滿，咬落去爆湯汁，入面嘅餡料鮮甜，抵食之選。排骨菜飯（$52）排骨好大塊，炸到外皮好酥脆，但係肉質偏乾。菜飯有菜+菇，都幾多，口感豐富。口水雞翼擔擔麵 （$56）呢餐最大驚喜！口水香麻惹味，喜歡濃味嘅朋友一定好鍾意！擔擔麵都偏濃味，麵質掛湯，湯唔算太膩，入口順滑。上湯津白 （$30）湯底清甜，津白淥到啱啱好，唔會過軟，份量都唔少。CP值高，經過附近入嚟食係最大嘅驚喜…查看更多

一行二人食咗上海排骨擔擔麵、炸素春卷擔擔麵、鮮肉煎鍋貼同黑豆漿😋最出色係煎鍋貼😋粒粒飽滿，皮都做得夠薄，咬落去有肉汁，食到豬肉香味👍🏻擔擔面都有花生同肉碎香味，麵質有咬口，炸春卷都好食，炸得夠脆😋排骨炸粉夠薄，醃肉都入味，不過炸得偏乾身🙂‍↕️黑豆漿有啲似自己整，比便利店買到嗰支黑豆漿重黑芝麻味😍呢間餐廳勝在性價比高，每人唔使$100，適合平日想平平哋食晚餐😌佢最出色應該係小籠包🤤之前食過真係出色，不過今次冇食到，唯有下次再食🤣…查看更多

咁啱嚟到葵涌呢頭，見到呢間上海餐廳，有啲古色古香嘅味道，所以就入去試吓到底咩味道！我同朋友就叫咗一個麻辣麵、一個花生麵，麻辣麵嘅味道就係有啲似雞湯加少少麻辣味，冇乜太大特別，配料有少少榨菜，更有口感，唔會太寡。但係排骨就有啲失望，唔熱唔暖，而且啲酥皮都係腍腍地，我自己就覺得同我以前食開嘅唔同。唔太推介！另外，花生麵嘅湯底係好濃花生醬味，如果你鍾意食擔擔麵，我覺得呢個都OK。肥牛就不過不失，都係你諗到嘅味道。此外，黑豆漿係市面上買到嘅，所以就唔作評論。小籠包就係成間舖最推薦嘅嘢，因為真係好Juicy，一食就爆汁，而且啲汁係好多。同埋係熱辣辣噴晒蒸氣。還原到上海小籠包嘅味道！總括而言，我係推薦小籠包，而其他食品可以等大家自己去探索！…查看更多

今次試咗間小店嘅下午茶，整體不過不失～最驚喜係✨酸辣湯餃子✨，酸辣度啱啱好，餃子皮薄餡足，菜肉餡好香濃！🍜麻辣擔擔麵配水餃（$42）就普普通通，湯底唔夠濃郁，不過麵質幾彈牙，係正宗上海麵～豆漿正常發揮，解辣一流！重點推介🎉小籠包（11周年優惠加$11多4隻）！皮薄到透光，一咬爆湯💦，熱辣辣超正！呢個價錢真係抵到爛👍🏻！…查看更多

黎到葵興呢邊做完野就搵個地方食一個lunch 之後就揀左呢間上海野lunch 等位都等左15分鐘, 環境比較迫, 唔係好坐既地方.最後點左醉雞菜飯, 送是日飲品.是日飲品係樽裝, 每日不同既.醉雞菜飯(OK)醉雞份量一般, 肉既口感正常,唔係話好滑, 菜飯, 正常味道 不過唔係好夠熱...不過整體黎講, 份量係唔算多, 食得唔算話足夠, 要加小食先可能叫飽D.價錢50幾蚊就叫勉強可以接受既... 不過如果要等位就真係唔會再等了, 唔值.總結只係好一般既上海野, 味道唔算係吸引之選. 速食lunch叫做勉強接受.…查看更多

老公喜歡食上海菜，但香港好味上海菜館真係愈來愈少，突然間話想食，真係要諗下。聽人講龍川好味，記憶中之前食過一次，但印象唔深刻，見位置都順路去，就再試一次。唔記得龍川唔係食小菜，係麵、菜飯之類，於是叫了我喜歡的酸辣湯餃子、上海粗炒、煎鍋貼同蟹粉小籠包。首先酸辣湯餃子好得，酸辣味道剛好，唯一少咗豬紅絲，美中不足。菜肉餃子肉味濃，配埋酸辣湯好美味。煎鍋貼正宗煎法，底部燶脆，裏面肉汁保全，👍🏻！蟹粉小籠包比好多上海飯店好好多，抵食👍🏻。上海粗炒比較甜，我哋無食哂，拎返屋企第二日加少少豉油蒸返熱剛剛好。豆漿唔係自家製都扣咗少少分，不過今時今日，請人做嘢都難，唔可以樣樣嘢自製都好明白。臨走買多一打菜肉雲吞，返屋企整砂鍋雲吞雞啱哂👍🏻…查看更多

中午嚟呢度食飯，12:45入邊都仲有大枱，食食吓外面就要排隊。中午飯一律$50至$54，幾抵食又好味。糖醋魚塊菜飯啲魚塊雖然薄身啲，但係啲炸皮都薄，所以仍然有保留到有肉嘅脆炸。點埋啲糖醋醬，即刻令啲魚塊唔會過分脆硬，好送飯食！不錯！另外啲菜飯好特別，有埋啲菇粒喺入邊呢個餐$54仲要送豆漿杯熱豆漿勁好飲，飲飲下仲要飲到一片片豆漿面頭乾咗嘅皮，即腐皮，好食好正同事話招牌嘅上海排骨麵同埋龍川上海粗炒都好食！全清！下次會再嚟試其他~…查看更多

至愛之一嘅上海菜餐廳「龍川上海料理」十週年，一連四星期推出$10優惠，第一彈係人氣食物「小籠包」。下午茶：花生擔擔麵配雲吞（$42）凍豆漿味道夠哂濃郁，呢啲先係我要嘅擔擔麵。下午茶：上海排骨麵配炸餃（$48）凍菊花蜜炸豬扒雖然不是即炸，但仍外層微脆，肉軟有咬口。小籠包（$10）逢惠顧麵類或飯類（不論係下午茶、午市、晚市），可享用優惠一次，要咗兩籠。無嘢好講，外層軟薄，裡面有湯汁，熱辣辣，好食。祝願繼續有更多的十週年。…查看更多

一年兩次嚟葵涌做嘢，最開心嘅，就係可以幫襯呢邊嘅小店。今次就試下上海菜。叫咗個上海排骨菜飯連凍豆漿，50蚊，真心抵食。除咗價錢平，另一個優勝處就係份量多，個菜飯勁大碗，好飽肚。味道方面，凍豆漿同炸排骨正常水準，個菜飯呢......就極有進步空間，菜非常少，飯亦偏乾，感覺似煲熟啲飯就咁將啲菜粒撈落去咁，所以啲飯係冇乜菜味。希望店家會改善啦。…查看更多

叫左個膽膽麵同粗炒外賣 膽膽麵就無咩特別 但係個粗炒差左好多😫成盒麵塞爆但係竟然得果四五片肉加多兩小片紅椒同幾片椰菜個粗炒都成60幾蚊 好似買左盒淨麵咁以前食過堂食都無差到咁 唔知關唔關外賣事無仇報就最多賺你呢一水咁😅…查看更多

嗌外賣要等30分鐘以上嗌外賣平台可以好快店內食客都冇得食 食咗幾次 咁嘅服務態度轉變真係可悲(我)又可笑唔會再幫襯又唔係好食到咩地步 店內環境又逼但要曬你好多時間…查看更多

光輝圍係一處高齡地方，四周圍都係老人院，舊樓處處，相信平均年齡偏高，所以冇乜食店，特別係依家嘅晚市。龍川算係少數撐到依家嘅舖頭，佢哋嘅麵同小籠包係好好味👍價錢合理。係啲座位比較窄，但食個麵又唔耐，所以冇乜所謂，大家行開個處不防試吓。…查看更多

幫襯左8-9年，可以話熟客，但今次之後都唔會再幫襯😠 其實之前因為態度問題，加上附近有更加好嘅餐廳，所以有一段時間冇再幫襯，點知俾多次機會佢會係咁😓叫咗個口水雞菜飯，啲雞食落口係霉嘅，應該擺咗好耐😵‍💫 而家諗返起之前食過嘅酥炸雞翼酸辣湯面，啲雞分分鐘都係霉，只係炸咗食唔出😅至於高力豆沙，用啲發泡膠盒裝住，返到屋企個盒已經溶咗，釋放塑化劑，知唔知咁樣會食壞人！大家提高警覺，衛生質素要行先！😰…查看更多

尋日晚餐想食上海嘢點知中伏。。。小籠包皮厚，肉小同埋好肥鍋貼又係皮勁厚，同埋好油，落左好多油去煎粗炒無餸，又無咩味，得個色上海排骨，不過不失，無咩特別，比較乾豆漿就勁甜最可以接受只有菜飯都唔會有下次…查看更多

💪🏻 花生湯嫩滑雞肉拉麵 （$49 跟餐）我個人非常鍾意食花生濃湯嘅🤪，例如沙嗲湯、擔擔麵湯等，所以呢間餐廳我好想試好耐。餐廳嘅花生湯底非常濃郁，而且濃底有少許黏稠，可以掛到麵，食麵時可以撈埋花生濃湯一齊食🤤 拉麵亦配有少量肉碎，花生碎，亦可以配上辣醬，所以食落有啲似濃花生醬擔擔麵，口感豐富😋 拉麵係類似普通日式拉麵個種，正常發揮。雞肉都十分嫩滑，肉量算多，調味不算太重，配湯底食不錯！味道：8/10性價比：8/10 食住瘦指數：💪🏻💪🏻/5 💪🏻 龍川小籠包 （$32/4粒）小籠包皮偏厚，唔太薄，而且湯汁唔多，唔夠juicy，食落有少少偏乾嘅口感😣 肉餡調味咸味適中，但肉汁都偏少。 所以整體小籠包係少少失望😢 （個人認為小籠包係上海菜舖嘅靈感）味道：5/10性價比：5/10 食住瘦指數：💪🏻/5 …查看更多