Wingman (已結業)

派咗消費券，同事們放工約埋一齊去食返餐，大家都喜歡食雞翼，所以揀咗去旺角Wingman食雞翼放題。雞翼放題：任食10種指定口味和汽水。雞翼有濕身和乾身兩種，所有雞翼都是高質素的無激素雞翼，即叫即做，雞翼除咗放題之外還可以散叫，如果食量大當然放題係最抵食啦！泰式甜辣醬：雞翼即叫即炸，熱辣辣上枱，雞翼表皮沾滿泰式甜辣醬，再加上炸蒜，雞翼入味又香口。紐奧良香粉：雞翼灑上紐奧良香粉，味道比較濃郁，因為是乾身雞翼，所以外皮比較香脆還帶有少少辣。咖啡香味：香脆的雞翼沾滿咖啡粉，食落除了香脆之外還充滿咖啡香味。蒙古燒烤味：有香噴噴嘅孜然香味，還加埋辣粉，充滿燒烤風味。巴馬臣芝士蒜蓉味：在雞翼加上巴馬臣芝士碎和蒜蓉碎，味道比較濃郁和惹味！黑芝麻海鮮蜂蜜：每隻雞翼都沾滿蜂蜜的海鮮醬，甜甜的醬汁加上黑芝麻的香味，真的食不停口！汽水係任飲㗎！