老長沙湘菜館 (已結業)

嗰日比較早去到餐廳，我哋兩個人淨係叫咗三個餸😗分別係農家小炒肉，乾鍋雞同埋孜然串骨🌶️農家小炒肉餐廳用咗青椒去炒，估唔到都幾辣🙈不過味道好惹味，係白飯神偷🤣一食就食咗好多🥘乾鍋雞平時都會見到其他餐廳有唔同嘅乾鍋，今次係第一次試炒雞嘅乾鍋🤔雖然呢度嘅雞比較細件，但係就比較入味😛而且相對普遍嘅乾鍋冇咁油膩，配埋蔥同埋蔥頭一齊食都唔錯🍗孜然串骨一上枱見到咁多辣椒即刻嚇一嚇🤣點知食落係唔辣嘅，比較重香料同埋孜然味口感上比較似豬肋骨，但係肉質就冇咁鬆軟，而且有咬口，個人覺得比較適合同朋友share🥰當晚食飯嘅時候都見到有幾台內地人喺度食緊🙈我諗都算係比較正宗嘅湘菜，如果平時比較少接觸呢一類菜式都可以去呢間餐廳試一試😆係個唔錯嘅體驗