友義氣‧酸菜魚

營業中

休息中

是日出紅磡做嘢，做到兩點幾先有得食晏，係附近見到呢間「友義氣」，一於同同事食個酸菜魚。由於唔係午飯時間，人唔算太多；下午茶時段有85折，都算抵食。餐廳有好多中式燈籠及畫，碗碟都好有中式味道。老壇酸菜魚 :兩個人叫咗一份標準酸菜魚，店員講可以根據我地喜好調校酸度、辣度及麻度，同事唔太食得辣，所以只係叫咗小辣。標準酸菜魚大大碗，鱸魚片份量好多，無骨啖啖肉夠晒嫩滑，配菜有萵荀、金菇、芽菜及雲耳，吸收晒酸酸麻麻嘅湯，非常惹味；另外仲有好多薯粉，兩個人都夠食。大檸茶 :食酸菜魚梗係要有冰凍嘅飲品，呢杯大檸茶就啱晒喇，絕對唔駛驚唔夠飲，食完酸菜魚飲返杯真係份外冰涼。