越好

營業中

休息中

今晚中秋做節，中菜館都排長龍，唯有另覓食肆啦～ 做節食“越好”兆頭吖😅 喺門口見到餐牌，二人套餐$176咋，都好抵食👍 生牛肉湯河賣相不錯，先試啖湯，清甜味美，牛骨味重😋 牛肉上枱時仍嫩紅，以熱湯灼熟，腍滑有肉味，份量也不少😍 雞絲扎肉撈檬少少冰涼,味道酸酸咸咸,加上新鮮蔬菜,帶爽脆既口感，最啱夏天胃口👍 蝦醬雞中翼外脆內嫩，醃得相當入味～ 炸蝦餅蝦肉爽口紮實，有嚼勁～再醮上酸甜醬，更加美味👍 套餐仲連特飲，真係好抵😍 咸檸7檸檬用咸檸檬同鮮檸檬，飲落真係特別好味，咸咸酸酸，味道有層次感😋 紅豆冰紅豆腍香，一絲不苟，用心主理👍仲冇加一添，真係超值👍