影片
更多
2018-01-21
237 瀏覽
新開嘅越南餐廳，每一日午飯時間都見到排晒長龍，終於今日的起心肝早少少去排隊等位，希望一試呢間新餐廳。.呢個就係平時午飯時間門外嘅境況.好不容易終於等到位，加埋同行嘅朋友，一共三個人，被安排搭枱坐在卡位的一邊...因為枱比較窄，同對面嘅食客都差不多零距離。特別係杯飲品，我絕對相信係可以同對面唔識嘅食客溝亂㗎雖則我絕對明白係想同時serve到更多客人嘅編排。.(至於你可否同朋友傾到計好地地咁食到個午餐就好睇你對面坐左咩人啦,好幸運地我對面有三個香港本地女孩子）.午餐嘅選擇都相當多，我同朋友分別試左三樣唔同嘅午餐～ .首先到嘅係奶茶同檸茶同埋鹹檸檬梳打（因為情況太混亂冇影到相）.對於係奶茶控嘅朋友黎講係一大喜訊，因為係港式奶茶☕️.然後就喺本人點嘅越式牛肉拼牛坑腩湯河。.最足料的是洋蔥... 出奇地生牛肉嘅份量竟然比牛坑腩少.. 湯料嘅味道都非常濃味，害我飲咗唔少湯要讚嘅係個河粉煮得好淋，好多時候越南餐廳嘅生牛肉河粉（特別係繁忙時間關係），都會煮得硬硬的。呢度好明顯比繁忙時間更繁忙，但都煮到淋身先上碟，非常感動..然後係朋友點嘅豬頸肉飯，有啲失望，雖然豬頸肉嘅味道都唔錯，但係因為飯同埋豬頸肉都
.
呢個就係平時午飯時間門外嘅境況
.
好不容易終於等到位，加埋同行嘅朋友，一共三個人，被安排搭枱坐在卡位的一邊...因為枱比較窄，同對面嘅食客都差不多零距離。特別係杯飲品，我絕對相信係可以同對面唔識嘅食客溝亂㗎雖則我絕對明白係想同時serve到更多客人嘅編排。
.
(至於你可否同朋友傾到計好地地咁食到個午餐就好睇你對面坐左咩人啦,好幸運地我對面有三個香港本地女孩子）
.
午餐嘅選擇都相當多，我同朋友分別試左三樣唔同嘅午餐～
.
首先到嘅係奶茶同檸茶同埋鹹檸檬梳打（因為情況太混亂冇影到相）.
對於係奶茶控嘅朋友黎講係一大喜訊，因為係港式奶茶☕️
.
然後就喺本人點嘅越式牛肉拼牛坑腩湯河。
.
最足料的是洋蔥... 出奇地生牛肉嘅份量竟然比牛坑腩少.. 湯料嘅味道都非常濃味，害我飲咗唔少湯要讚嘅係個河粉煮得好淋，好多時候越南餐廳嘅生牛肉河粉（特別係繁忙時間關係），都會煮得硬硬的。呢度好明顯比繁忙時間更繁忙，但都煮到淋身先上碟，非常感動
.
.
然後係朋友點嘅豬頸肉飯，有啲失望，雖然豬頸肉嘅味道都唔錯，但係因為飯同埋豬頸肉都係凍嘅，不過唔知原因係因為事先整定，還是上菜嘅時候慢咗呢？
.
之後另一位朋友點嘅紅飯遲遲都未嚟，我哋估計係因為呢一個紅飯唔係好多人點同埋要即炒（？），所以唔可以好似其他咁整定先又或者點左之後一陣就黎。
.
紅飯望落去嘅份量好多（定係因為牛柳粒嘅份量少呢？），但結果朋友都食得晒，所以份量其實係啱啱好，至於牛柳粒呢，都好彩冇話非常韌,以牛柳粒來講都算係OK。
.
黎到越式餐廳，我哋亦都點左個牛油雞翼黎試吓佢哋嘅手勢，可惜又係因為太過混亂，所以完全冇影到相
總括來講，除咗唔太闊嘅卡位要搭枱有啲之外，以性價比來講嘅話呢一間餐廳都算係唔錯嘅
張貼
