河內越式料理

營業中

休息中

又去尖沙咀搵食，見到呢間好似新開嘅越南料理，又有幾多人入去，就試吓啦。極品牛三寶湯河粉($72): 有生牛肉牛展同埋牛丸，上菜嘅時候都幾大碗，另外一試難忘嘅就真係佢哋嘅湯底，應該真係用好多了去煲出嚟嘅，飲落去好似牛肉湯咁樣，完全唔似出邊嘅味精湯，而且好濃郁配埋生牛肉同埋牛制品食一流，而且湯河粉都好滑！順化牛肉撈檬($64): 同出邊食嘅撈檬都其實差唔多，牛肉份量都算多，而且配菜都好足夠。追加小食越式香茅豬扒(+$24):加嘅價錢嚟講唔算特別平，不過勝在上菜嘅時候都覺得佢幾大份，豬扒鬆軟又唔會過淋，好食☺️加嘅價錢嚟講唔算特別平，不過勝在上菜嘅時候都覺得佢幾大份，豬扒鬆軟，又唔會過林，好食！飲品叫咗凍鹹檸七同埋熱情果梳打(+$12@)! 總結：越南嘢嚟講其實自己都幾鍾意食嘅，覺得總係價錢相宜，而且又好食。我覺得呢度比我最大嘅驚喜就係佢嗰碗湯河嘅湯底，我食到最尾飲咗差唔多成半碗，真係好足料，而且待應嘅態度都好好👍🏻 態度好加上性價比十足，值得再嚟。