影片
更多
2024-07-19
291 瀏覽
裕民坊商場翻新後真係好多餐廳選擇，就嚟咗呢間Plato，之前都去過佢佐敦嘅分店，又試試呢間先！開咗唔算好耐，所以都好新淨企理！我哋先叫咗一客「日式天婦羅魷魚」（$68），鍾意佢啲魷魚炸得夠脆，而且份量都多，有十幾條，加埋酸香嘅千島醬，就更加開胃！之後就叫咗兩個Set Dinner，都幾抵！Set Dinner都會跟餐湯同嘢飲（$32內），是日餐湯係紅菜頭湯，紅菜頭打得好蓉，清甜又暖胃。第一個主餐係「炸軟殼蟹忌廉意大利飯」（$138），意大利飯份量真係多，值得一讚，飯底有好香嘅忌廉味，再加咗黃椒、西芹等配料，會再香口啲，而原隻軟殼蟹都相當肥美，整體配搭都幾好！另一個主食係「露絲瑪莉香草燒羊架」（$218），呢款擺盤十分美麗，有迷迭香伴襯，燒羊架我哋嗌咗五成熟，都算大隻，有肥有瘦嘅部位滿足唔同食客，羊味都幾突出，配埋燒汁就更加吊到香味出嚟，配菜仲有忌廉薯蓉，十分Creamy！ 餐飲配咗一杯凍水果茶（少甜少冰），甜甜酸酸嘅水果茶，好refreshing！另一杯就轉熱鮮奶咖啡（+$14），係自家杯子，加上漂亮拉花，豆味比較濃
就嚟咗呢間Plato，之前都去過佢佐敦嘅分店，又試試呢間先！
開咗唔算好耐，所以都好新淨企理！
我哋先叫咗一客「日式天婦羅魷魚」（$68），
鍾意佢啲魷魚炸得夠脆，而且份量都多，有十幾條，加埋酸香嘅千島醬，就更加開胃！
之後就叫咗兩個Set Dinner，都幾抵！
Set Dinner都會跟餐湯同嘢飲（$32內），
是日餐湯係紅菜頭湯，紅菜頭打得好蓉，清甜又暖胃。
第一個主餐係「炸軟殼蟹忌廉意大利飯」（$138），
意大利飯份量真係多，值得一讚，飯底有好香嘅忌廉味，再加咗黃椒、西芹等配料，會再香口啲，
而原隻軟殼蟹都相當肥美，整體配搭都幾好！
另一個主食係「露絲瑪莉香草燒羊架」（$218），
呢款擺盤十分美麗，有迷迭香伴襯，燒羊架我哋嗌咗五成熟，都算大隻，
有肥有瘦嘅部位滿足唔同食客，
羊味都幾突出，配埋燒汁就更加吊到香味出嚟，
配菜仲有忌廉薯蓉，十分Creamy！
餐飲配咗一杯凍水果茶（少甜少冰），
甜甜酸酸嘅水果茶，好refreshing！另一杯就轉熱鮮奶咖啡（+$14），
係自家杯子，加上漂亮拉花，豆味比較濃
張貼
