影片
更多
2022-05-21
166 瀏覽
📍安平燒肉呢日黎到呢間人氣十足嘅燒肉店，舖頭旺到好早就截咗walkin入座，大家想食嘅話記得提早網上訂位/早啲去排隊喇。店內擺放咗唔少用天燈作為主題嘅deco，座位寬敞，抽油煙系統非常強勁，食完都唔會成陣油煙味👍🏻✨澳洲M5和牛吃到飽套餐 ($398 // 7點後入座價錢)呢個價錢可以係120分鐘內任叫menu上所有食物。入座既時候仲會計人頭每人送兩條牛舌芯，呢客牛舌芯既質素幾高，入口軟腍帶爽脆👍🏻 澳洲m5和牛雪花幾靚，油香十足；安格斯牛小排就牛味十足，揀得呢個餐呢兩款絕對係瘋狂encore之選。薄切牛舌都唔錯🤪另外大推呢到嘅帆立貝同埋虎蝦，兩款都大大隻，而且肉質爽甜，食得出用料幾新鮮。好鐘意燒菠蘿，好甜好好食～最鐘意呢到提供唔少台式小食同埋開胃前菜，其中最鐘意嘅係黃金泡菜。呢款係一款充滿台式風味嘅醃製泡菜，用咗包括腐乳嘅特調醬料黎replace傳統韓式辣醬，食落非常開胃，好特別👍🏻👍🏻食燒肉嘅最佳配搭緊係白飯。呢到提供咗台灣櫻花蝦拌蝦，仲可以因應自己個人口味自己diy，加入咗紫菜同埋櫻花蝦花嘅白飯非常香口惹味，令我地忍唔住每人食咗一大碗（回本失敗🫠）另外仲有得order櫻花蝦拌麵！
呢日黎到呢間人氣十足嘅燒肉店，舖頭旺到好早就截咗walkin入座，大家想食嘅話記得提早網上訂位/早啲去排隊喇。店內擺放咗唔少用天燈作為主題嘅deco，座位寬敞，抽油煙系統非常強勁，食完都唔會成陣油煙味👍🏻
✨澳洲M5和牛吃到飽套餐 ($398 // 7點後入座價錢)
呢個價錢可以係120分鐘內任叫menu上所有食物。入座既時候仲會計人頭每人送兩條牛舌芯，呢客牛舌芯既質素幾高，入口軟腍帶爽脆👍🏻
澳洲m5和牛雪花幾靚，油香十足；安格斯牛小排就牛味十足，揀得呢個餐呢兩款絕對係瘋狂encore之選。薄切牛舌都唔錯🤪
另外大推呢到嘅帆立貝同埋虎蝦，兩款都大大隻，而且肉質爽甜，食得出用料幾新鮮。
好鐘意燒菠蘿，好甜好好食～
最鐘意呢到提供唔少台式小食同埋開胃前菜，其中最鐘意嘅係黃金泡菜。呢款係一款充滿台式風味嘅醃製泡菜，用咗包括腐乳嘅特調醬料黎replace傳統韓式辣醬，食落非常開胃，好特別👍🏻👍🏻
食燒肉嘅最佳配搭緊係白飯。呢到提供咗台灣櫻花蝦拌蝦，仲可以因應自己個人口味自己diy，加入咗紫菜同埋櫻花蝦花嘅白飯非常香口惹味，令我地忍唔住每人食咗一大碗（回本失敗🫠）另外仲有得order櫻花蝦拌麵！
臨尾仲會每人送一客甜品/哈根大師雪糕，今次揀咗台式仙草芋圓，非常足料，而且奶香十足，為滿足既一餐作結。
張貼
