一喜車仔麵

營業中

休息中

今日同FD去土瓜灣睇樓，行過哩間車仔面睇到唔錯，好多福建嘢食，咁試試。店鋪唔算大，裝修得好有本地特色，晚市都幾FULL下，陸續有街坊入來，都9成滿，有D信心。凍奶茶同凍檸茶，茶底都好香濃，奶茶入口好滑，不過就有少少甜，下次可以叫少甜。生炸香辣單骨雞翼，雞翼炸得好香口，小食黎講唔錯。鎮店鴛鴦餃（手工韭菜餃，秘制一喜菜肉餃），韭菜餃有3只，菜肉餃有4只。我同FD都鐘意韭菜餃多D，韭菜好新鮮，食落韭菜味好香，同埋餃子皮好薄身，一食就知道係手工製作。車仔面揀咗豬皮，特級瀨尿牛筋丸同豬手，再搭配埋牛腩汁同河粉。特級瀨尿牛筋丸真係要小心，食落爆曬汁水，牛筋丸夠Q彈，好味。豬手文得好軟嫩，差唔多已經脫骨，唔錯。求其揾一家小店食都唔錯，難怪咁多街坊幫襯啦。