河內越式料理

營業中

休息中

嗰日喺尖沙咀行街，就經過呢一間見到門口放着Menu嘅越南餐廳。只覺得佢嘅選擇好多，價錢亦都相當平民。位置唔算寬敞，不過服務幾快。越式豬頸肉撈檬份量頗多，而且豬頸肉切片頗大，口感亦都幾煙靭。$60來講好抵食。順化蕃茄蟹肉扎肉湯檬賣相吸引，湯睇落都好龍，不過食落口又唔會太重口味。有新鮮嘅蕃茄味之餘，啖啖蟹肉。鍾意食海鮮嘅朋友唔可以錯過。份量頗多之餘好抵食。越式炸蝦餅份量適中，而且新鮮炸出嚟特別香口，味道吸引。越式炸春卷份量適中，而且配料好多，口感豐富。另外加$5就可以有柚子蜜，價錢10分親民。Conclusion: 以呢個價錢來講，質素算唔錯。而且服務友善，值得再嚟。