影片
更多
2022-06-11
129 瀏覽
好有趣，佢係用日本嗰啲自助落單機，但其實一直都會有個職員喺隔離幫你😹都幾好服務！我叫咗西班牙豚肉眼扒，一上碟有廚房紙鋪喺上面，唔會彈到你成身都係，亦都有即棄圍裙俾你着，都幾貼心。聽講個熱石有成三百度，滋滋聲好吸引！個豬扒肉質彈牙，都幾厚身，佢冇太多嘅調味，有粉同醬俾你自己落，粉類有粉紅岩鹽、黑椒、BBQ steak seasoning，醬汁就有蒜蓉、燒肉汁、辣嘅燒肉汁。而朋友就嗌咗個雞扒，佢話比起上次食細舊左～😹自助吧有白飯同日式牛肉湯飲添，仲可以無限自製沙律。白飯我好鍾意加佢個紫菜碎，成個飯即刻好香！而沙律就有芝麻醬同埋柚子醋揀，我最鍾意落柚子醋多啲Fresh啲冇咁肥😽 因為我唔食牛所以就冇飲到佢個牛肉湯，朋友話入邊有好多肉，有啲似羅宋湯，我見湯渣都好多，有紅蘿蔔同白蘿蔔，好似都好足料～其實都幾唔錯同埋抵食，不過午市就再平啲，而且份量嗰啲都係一樣，建議晏晝嚟食就再抵啲！好似都有好多分店～
我叫咗西班牙豚肉眼扒，一上碟有廚房紙鋪喺上面，唔會彈到你成身都係，亦都有即棄圍裙俾你着，都幾貼心。聽講個熱石有成三百度，滋滋聲好吸引！
個豬扒肉質彈牙，都幾厚身，佢冇太多嘅調味，有粉同醬俾你自己落，粉類有粉紅岩鹽、黑椒、BBQ steak seasoning，醬汁就有蒜蓉、燒肉汁、辣嘅燒肉汁。
而朋友就嗌咗個雞扒，佢話比起上次食細舊左～😹
自助吧有白飯同日式牛肉湯飲添，仲可以無限自製沙律。白飯我好鍾意加佢個紫菜碎，成個飯即刻好香！而沙律就有芝麻醬同埋柚子醋揀，我最鍾意落柚子醋多啲Fresh啲冇咁肥😽 因為我唔食牛所以就冇飲到佢個牛肉湯，朋友話入邊有好多肉，有啲似羅宋湯，我見湯渣都好多，有紅蘿蔔同白蘿蔔，好似都好足料～
其實都幾唔錯同埋抵食，不過午市就再平啲，而且份量嗰啲都係一樣，建議晏晝嚟食就再抵啲！好似都有好多分店～
張貼
