Cafe 360 (已結業)

之前屋企人試過依間餐廳，話食物味道唔錯，所以就算要等一陣位，都想試下依間餐廳~ 大約等左15分鐘，終於有位啦~ 枱與枱之間比較窄，唔適合想舒舒適適傾談的人士~ 我地點左2個set dinner，主菜選了卡邦尼意粉及肉醬意粉，套餐包餐湯及飲品~ 卡邦尼意粉個醬比較杰身，令食入口既質感唔夠滑，意粉尚算彈牙~ 肉醬意粉整體來講唔差，肉醬味道唔會因為太多蕃茄醬而覺得酸，但味道唔算太突出~ 餐飲小編選了有機茶，唔記得茶叫甚麼名字，只記得介紹話有助睡眠，入口帶有少少甘香，飲到喉嚨位覺得好舒服~ 最遲黎的是餐湯，可能因為餐湯是酥皮焗忌廉湯，比較需時~ 雖然等得比較耐，但酥皮焗得好鬆脆，同湯一齊食，味道唔錯，而忌廉湯有d似某隻牌子的忌廉湯，磨菇味都幾濃，所以就算已經吃到有d肚脹脹都差唔多飲曬~ 以這個價錢食到質素唔差而且足量的晚餐，值得一試~