丼吉日式吉列豬排專門店 (形點 I)

營業中

休息中

去元朗探朋友順便食lunch, 見當吉啲lunch set都吸引，所以就試下。今次可以坐卡位，都算幸運，職員會俾埋濕紙巾你去消毒，服務係好好。1. 當吉吉列海鮮丼內有兩塊炸豬柳、兩件炸蠔、兩條炸蝦、兩塊紫菜，由於佢剛剛新鮮炸好，炸蠔好嫩口好好味；炸豬柳夠厚，冇雪藏味，又唔多粉跌出來，食落好方便；炸蝦味道也唔錯，飯唔會太多，已女仔來講一定到夠飽。2. 滑蛋吉列豬柳丼呢間店好出名炸豬柳/豬扒，所以呢個當都係冇得輸，同樣豬柳夠厚，滑蛋同洋蔥唔會太鹹，夾埋一齊食好好味😋。呢個丼就多飯，好啱男士食。3. 巨峰提子梳打每個set加多$20可以轉飲梳打，呢間店嘅巨峰提子梳打係好出名、好好味，係比較甜，不過我哋傾偈傾到啲冰融晒先飲就已經唔甜，所以我都接受到。呢度好好啊，有機會我都會再嚟食多次。