蠔站 (荃新天地)

營業中

休息中

同朋友喺荃新天地行完街，下午有啲肚餓，即刻睇吓邊度有得食下午茶，見到呢間餐廳做緊生蠔優惠，只係$10一隻，就俾佢吸引咗。因為係下午時段，餐廳未見好多人，但地方好大，而且都好乾淨。要指定嘅法國生蠔先有優惠，唔好睇佢細細隻，但都好香甜、爽口，用黎做下午茶就岩岩好！仲嗌左一個石燒套餐，蒜片牛柳粒 （220g ）$118，跟前菜、白飯、麵豉湯同餐飲。牛柳粒份量都幾多，好鍾意用熱石板，自己鍾意煎幾成熟都得，同埋可以熱辣辣即刻食！另外，仲叫左小食，炸啤酒味薯條 $58，新鮮炸出嚟嘅薯條係最好食，配埋啤酒就一流。