牛丼家

營業中

休息中

早幾日同謙謙係旺角t.o.p.冒險玩完肚餓問佢想食咩佢話想食牛肉飯，我醒起有人推介過牛丼家，一於同謙行去睇下， 見到新出左有壽喜燒，咁涼涼地我又唔想食咁多肉就點選左呢個，呢個火鍋湯底甜甜地，有好多蔬菜啱哂我，可以選擇配飯或烏冬， 我選擇飯。大家記得食火鍋要上多一層呀！謙謙就叫左個牛魔王飯，漢堡扒肉汁豐富，外層煎得好香口， 加上醬汁和七味粉拌飯一流， 唔怪得咁多學生哥鍾意過來食。套餐加左炸雞，內裡嫩滑多汁， 香酥可口。飲品方便係冰紅茶和白桃汁，前者茶味白濃解膩， 後者清甜可口。行完街過來都係一個唔錯的選擇。