撈得喜火鍋冰室

營業中

休息中

呢日去完元朗市中心，夜晚朋友揀咗撈得喜火鍋冰室，想食烤魚同火鍋，平民價錢，而且火鍋仲係任飲任食兩小時，7點前-9點後入座，成人$188-$208/位，小童$128-$148/位，仲有好多窩底選擇，認真抵食。蕃茄味烤魚揀咗蕃茄味烤魚，所有烤魚選用鮮活海鱸魚，條魚都幾大條，魚皮煎至金黃香脆，鱸魚冇咁多細骨，肉質細膩，鮮嫩多汁，味道鮮美，魚肉肥美肉厚，一啲都唔腥，食起嚟脆脆的，好香口，仲有鮮爽嘅蕃茄，加上湯底清甜，鮮味十足，必食推介。火鍋湯底剛剛食完蕃茄烤魚，就要左個清湯底(不用收費)，味道清甜。另外有多款火鍋湯揀(加 $)。任食火鍋自助區嘅火鍋配料有好多選擇，肥牛、雞肉、涼拌小食、豆製品、菇菌、丸類、蔬菜等，仲有生蠔、鮮蝦、魷魚、蜆、雞蛋、粉麵、調味料等等，仲有款式多元化，樣樣都好新鮮，食物高質，價錢親民。飲品方面，有特色嘅水果茶、涼茶、汽水、啤酒等  ;  而甜品有喜歡嘅雪糕、布丁、啫喱等，好味道。