影片
開飯介紹
供應冰室小食及四川菜的餐館，還有四川口味的火鍋，你可在火鍋自助食品區自選海鮮、肉類及蔬菜等食物。
繼續閱讀
營業時間
今日營業
06:30 - 00:00
星期一至日
06:30 - 00:00
以上資料只供參考, 請與餐廳確認詳情
有關獎賞計劃
今次同朋友去咗元朗嘅「撈得喜火鍋冰室」，去完朋友屋企行過去好近，而且價錢親民，網上評價都唔錯。入到去第一印象都唔錯，餐廳環境乾淨企理，座位闊落，坐得舒服，店員都好熱情咁招呼我地。我地叫左一個雞煲可以再任食火鍋嘅餐。個雞煲一黎到已經勁香，店員好貼心咁提我地要煮多3分鐘，然後熄火再焗一分鐘就食得。我地唔係好食得辣所以就叫左bb辣加bb麻。每件雞既厚度大細都啱啱好，雞件亦都好入味。食完雞煲就開始打邊爐了。火鍋配料選擇都幾多，牛肉、豬肉、丸類、蔬菜，應有盡有，最開心係連海鮮都有呀，例如蝦，蜆，墨魚仔都有。除咗火鍋配料，佢哋嘅飲品都唔錯。我特別推介佢哋嘅自製嘅水果茶，真係有新鮮水果係入面，解渴又解膩，我飲左兩大杯！最後食埋雪糕，有好多款味可以揀，最出色係紅豆味，好濃郁而定有粒粒紅豆，勁有咬口！總括而言，「撈得喜火鍋冰室」嘅性價比高，食物質素好，服務態度亦都唔錯，絕對係同朋友聚餐嘅好選擇！見其他枱叫烤魚都好正咁，下次再嚟試！
繼續閱讀
撈得喜火鍋冰室：元朗任食雞煲火鍋大滿足喺元朗呢個美食天堂，想搵個地方同朋友邊食邊傾，仲要食到飽飽？咁你就一定要嚟試吓「撈得喜火鍋冰室」！呢度主打兩小時任飲任食，最正嘅係佢哋嘅麻辣雞煲，仲有椰子雞煲同唔同味道嘅烤魚選擇，真係食到停唔到口！😋 今次就同大家分享吓我嘅食評，等你知道有咩必食！ 🍗 麻辣雞煲：香辣過癮，雞肉嫩滑 首先一定要講吓佢哋嘅招牌麻辣雞煲！一上枱已經聞到陣陣香辣味，雞肉煮得啱啱好，嫩滑得嚟又入味，辣度可以自己揀，啱晒鍾意刺激嘅朋友！🌶️ 食完雞煲之後，仲可以加湯打邊爐，真係一煲兩食，抵到爛！🥥 椰子雞煲：清甜滋潤，養生之選 如果唔係好食得辣，咁椰子雞煲就係你嘅最佳選擇！湯底用咗新鮮椰子水，清甜得嚟又滋潤，雞肉吸收晒湯汁精華，食落鮮嫩多汁，啱晒想養生嘅朋友！🥥🍗🐟 烤魚：多款口味，魚肉鮮美 除咗雞煲，佢哋仲有唔同味道嘅烤魚，例如香辣、酸菜、蒜香等等，魚肉鮮美又唔腥，啖啖肉，鍾意食魚嘅朋友一定唔可以錯過！🐟🔥🍲 打邊爐配料：款式多，質素高 食完雞煲或者烤魚，就可以開始打邊爐啦！佢哋嘅配料款式多到眼花撩亂，以下係我嘅心水推介：- **肥牛**：肉質鮮嫩，油脂分布均勻，輕輕一灼就食得，入口即化！🐮- **豬五花**：肥瘦適中，食落香口又唔膩，打邊爐必點！🐷- **芝士腸**：爆漿芝士口感，濃郁得嚟又唔會太鹹，小朋友最愛！🧀- **丸類**：種類多到數唔晒，最鍾意佢哋嘅手打墨魚丸，彈牙又鮮味！🐙仲有唔少蔬菜、豆製品同海鮮選擇，樣樣都新鮮，絕對唔會令你失望！🥬🦐🍹 飲品：任飲選擇多 兩小時任飲任食，飲品選擇都唔少，有汽水、果汁等等，食完辣嘢飲返杯凍飲，真係爽到爆！🥤總括嚟講，「撈得喜火鍋冰室」真係性價比超高！兩小時任食任飲，雞煲同打邊爐配料款式多，質素又好，仲有唔同口味嘅烤魚選擇，絕對係同朋友聚餐嘅好地方！😍 下次再嚟元朗，一定會再encore！
繼續閱讀
今晚天氣突然凍咗好多，好想打邊爐食雞煲，朋友介紹去咗呢間任食雞煲烤魚火鍋，去到都要等位，坐滿晒人，最後等咗差唔多半個鐘😁😋點咗招牌惹味麻辣雞煲，本身都食得辣，所以揀咗中辣小麻，點知原來真係好辣😆😝下次小辣已經OK，重點想講雞煲個汁好惹味，每一件雞都掛住好香濃嘅麻辣汁，味道好好，啲雞又好滑，好新鮮，完全唔似任食嘅質素。自助配料方面，好多選擇，每樣嘢都好新鮮，雖然好多人，但係配料區長期都不停添加食物，重點有新鮮嘅九節蝦，仲有鮮甜嘅沙白，每一粒都好新鮮，嘢飲都係任攞，食飽飽仲可以食埋雪糕，呢個價錢，食到咁好質素嘅雞煲，必定要推介俾大家試試朋友見到隔籬枱嘅烤魚，炸到脆卜卜，話下次要再嚟試過🤭😋😋
繼續閱讀
已經不是第一次幫襯，因為真係好抵😱打邊爐之前可以選雞煲/烤魚/火鍋湯底，款式選擇多。今次想清清地打一個椰子雞煲，水滾先放雞計時，湯好甜，飲左幾碗，雞好有咬口👍🏻👍🏻前菜有涼拌木耳和爽脆魚皮，也有響鈴和炸魚皮打邊爐吃😍食物選擇都唔少，除了有肥牛片、豚肉片、鮮牛、各式蔬菜外，海鮮也有波波蜆、蝦和蠔，是我至愛的海鮮，質素不錯😊飲品也有好多選擇，有盒裝飲品、罐裝飲品、啤酒，我通常會揀餐廳自製的水果茶。雪櫃裏面也有冰涼粉、涼粉和布甸。另有維記雪糕櫃🍦7:00前離座$188，9:00前$208，食足兩個鐘，淨一個烤魚/雞煲都差不多價錢啦👍🏻另外服務亦不錯👍🏻
繼續閱讀
唔駛200蚊食2小時雞煲/烤魚+任食火鍋？正！同朋友搵到間性價比高的雞煲/烤魚+火鍋，2小時內可以大快朵頤，真係好開心！呢間餐廳分左3個時段，分別係7:00前離座（$188/成人）、7:00-9:00（$208/成人）同埋9:00後入座（$188/成人），果日去都坐滿食客，十分熱鬧。今次食左個走辣雞煲，雞件鮮嫰肥美，之後就加湯繼續打邊爐，最欣賞係有海鮮任食，肥牛豚肉丸類響鈴雪糕飲品任飲，下次可以再約朋友去食。
繼續閱讀