馬辣台式鴛鴦火鍋 (創興廣場)

營業中

休息中

同朋友一早去旺角放題勝地創興廣場食晚飯，平平地多嘢食嘅話，馬辣台式鴛鴦火鍋係一個好選擇，單係湯底都有八款揀，話明鴛鴦鍋所以可以向八款入邊揀兩款，我哋初時唔知乜嘢叫做西紅柿洋蔥海鮮鍋，所以另外一個鍋係保守啲嘅蔬菜清湯鍋，湯底嚟到先至知西紅柿即係蕃茄，上左一課中國語文😅講返個蕃茄湯，我個人口味就覺得鹹左啲，所以我主打個清湯鍋，呢個鍋個亮點係用新鮮杞子，好甜好味👍🏼另外要讚下佢啲肉類，係靚肉，仲有唔同選擇，一上枱盤盤肉都差唔多，問侍應點分，佢話盤角有顏色，紅、藍、綠、白，睇返點心紙，配對返相關顏色同肉類，就知道我哋食緊係乜嘢嚟㗎喇。