影片
更多
2014-08-13
4314 瀏覽
係太古做左差不多一年野, thai pepper係幾個月前同事想食帶我去既, 點知話fully booked就食唔到喇... 事隔多月, 今個星期終於再嘗試! 當然今次我早一日已經打定去訂枱, 點知佢話好爆喇, 問我可唔可以早d例如12點, 我梗係話無問題啦! 侍應想要返張枱但又唔想催客人, 不過無所謂, 1個鐘夠食啦!]3個女人去食, 點左2個主菜之後, 原本想叫多個, 但侍應提議我地叫其他小食, 因為主菜份量都唔少怕我地食唔晒... 結果我地傾左一陣都係加左個主菜, 因為我想試椰子炒飯!黎食泰國野當然要試phad thai啦! 炒得幾香下架, 而且食落甜甜地~ 唯一失望既係無蝦係入面, 反而有一種好似魚蛋既配料, 都幾彈牙跟住就到我想試既椰子炒飯! 平時見波蘿裝飯見得多, 都係第一次見用椰青! 飯仲要堆到成座山咁高, 開始有d擔心食唔晒喇 雖然呢個炒飯就唔係香噴噴個種, 不過我就中意淡淡椰香味喇~ 入面仲有D花生, 肉粒, 提子... 重點係有椰肉, 就係飲椰青入面個隻椰肉! 熟左既椰肉仍然係爽爽的甜甜的! 另一個泰國餐重點當然係冬陰公! 我地3個人只係叫左一碗細既黎過
係太古做左差不多一年野, thai pepper係幾個月前同事想食帶我去既, 點知話fully booked就食唔到喇... 事隔多月, 今個星期終於再嘗試! 當然今次我早一日已經打定去訂枱, 點知佢話好爆喇, 問我可唔可以早d例如12點, 我梗係話無問題啦! [題外話, 佢原本有問我1點可唔可以比返張枱佢, 跟住自己又話知道呢個要求過份左, 唔緊要, 都係幫我留左12點枱先~ 我都係第1次聽到有侍應想要返張枱但又唔想催客人, 不過無所謂, 1個鐘夠食啦!]3個女人去食, 點左2個主菜之後, 原本想叫多個, 但侍應提議我地叫其他小食, 因為主菜份量都唔少怕我地食唔晒... 結果我地傾左一陣都係加左個主菜, 因為我想試椰子炒飯!
黎食泰國野當然要試phad thai啦! 炒得幾香下架, 而且食落甜甜地~ 唯一失望既係無蝦係入面, 反而有一種好似魚蛋既配料, 都幾彈牙
跟住就到我想試既椰子炒飯! 平時見波蘿裝飯見得多, 都係第一次見用椰青! 飯仲要堆到成座山咁高, 開始有d擔心食唔晒喇 雖然呢個炒飯就唔係香噴噴個種, 不過我就中意淡淡椰香味喇~ 入面仲有D花生, 肉粒, 提子... 重點係有椰肉, 就係飲椰青入面個隻椰肉! 熟左既椰肉仍然係爽爽的甜甜的!
另一個泰國餐重點當然係冬陰公! 我地3個人只係叫左一碗細既黎過下口癮~ 其實碗湯一上枱已經有陣酸辣味傳入鼻腔, 可以感受到味道之濃烈! 飲落的確係又酸又辣, 辣味仲留左係喉嚨翻滾住, 飲2-3啖就要停一停食下野先~ 湯入面仲有D菇同蝦, 都幾正宗
最後就係食呢個免治牛肉炒河, 落單個時侍應仲提我地呢個比較多汁, 小朋友會中意食多D, 不過黎到賣相都唔錯喎! 雖然係免治牛, 但都好鬼煙韌, 食得好過癮~ 加上河粉好大塊, 好有趣! 不過河粉比較油, 連埋D汁食就幾濟!其實我地幾後悔無聽侍應既忠告3個女人係食唔晒架! 但又唔想浪費食物, 所以最後我食到好飽, 要去行下消化一大輪先繼續做野 但我地食到咁飽都係每人$100, 加埋呢度既服務, 都算差不多, 幾抵食! 下次真係要試下其他小食先得!
題外話/補充資料：
黎呢度食lunch最好先早2-3日book枱, 12點幾walk-in成功既機會較少, 因為佢唔希望你食得趕而佢又要留枱比1點既客人~
(以上食評乃用戶個人意見 , 並不代表OpenRice之觀點。)
張貼
