Boat Thai

營業中

休息中

放工跟老公去尖沙咀食野，上次跟同事食過唔錯，我帶老公再食過，佢都話抵食。泰式鳳尾蝦炒金邊粉鳳尾蝦夠大隻又爽口，食材很豐富又清爽，金邊粉炒至乾身，而且仲有雞蛋絲，芽菜，豆乾絲，加入花生碎，增添香氣及口感。泰式船湯河主要牛為主，有嫩滑的牛肉片，爽口的牛丸，清甜的蘿蔔，湯底非常濃郁，仲有係泰式河粉，很爽，不會太油膩。當然仲有脆卜卜的炸豬皮啦，正炸蝦餅有3件，炸至金黃酥脆，每一口都係爽口彈牙的蝦膠。食既時候真係要小心燙口，蘸上泰式甜酸醬，真係惹味。香茅炸雞翼有4隻，雞翼炸到脆卜卜，每隻都大隻，仲有溢出雞汁，食到淡淡既香茅味，加上炸蒜，增加口感。泰式街頭椰子粟米雪糕雪糕重椰子味，仲有花生，椰肉，粟米，估唔到仲有香軟的糯米飯，香甜好味，造型都好可愛。泰式奶茶比起港式奶茶偏甜，所以唔好走冰，茶底香濃，奶味重，飲起來很滑溜。泰式檸檬茶摏爛泰式小青檸，茶底芳香，滲透的檸味真係為之一振。