桂花小幸 (元朗廣場)

營業中

休息中

元朗呢間桂花小幸主打台灣菜，晚市仲設有優惠套餐，加幾蚊就飲到台式飲品同食到唔同嘅小食😍紅燒半筋半腩台灣麵就係招牌之一，湯底係紅燒牛肉湯，帶微辣，牛筋牛腩炆到夠腍，入口香濃，麵質彈牙😆至於鹽酥雞排滷肉飯嘅鹽酥雞排炸得金黃香脆，滷肉飯滷汁濃郁，飯粒仲吸滿肉香😛鹽酥雞排滷肉飯跟餐仲有是日燉湯同上湯浸時菜，啱晒想食得滋補啲嘅人😉 主食仲可以加配滷水蛋 ($8) 、 紫菜魚丸湯 ($16)或者飲品 ($8)，配搭更豐富。另外我仲叫咗兩杯飲品 - "脆脆阿華田"濃郁朱古力加埋脆脆口感，好好味； 百香果QQ綠茶味道夠清新，仲有QQ啫喱增添口感，飲落透心涼🥰