影片
更多
2021-04-02
195 瀏覽
同事搬新屋，佢搬咗去油塘，今日同另一個同事去探佢，參觀下佢嘅新居，晚上去附近商場食飯，我見到食馬來西亞菜的亞金叻沙，之前都有食過佢哋嘅海南雞飯，超正，今晚就和同事去回味一下！餐廳地方整潔，侍應都好有禮貌，招呼我哋入座後還介紹今晚新推出嘅晚餐套餐，價錢都抵食，所以我哋每人叫咗一個套餐。招牌喇沙湯麵：湯底味道豐富濃郁，每一口都有地道南洋的味道。 配以油麵和米粉的滲滲，食落會更有口感，再加入蝦、蟹棒、魚片頭、魷魚圈、豆卜等配料，惹味可口。檳城炒貴刁：炒貴刁好香口有鑊氣，有小小辣好惹味，用芽菜、蝦、魚片、臘腸和貴刁炒成，帶著黑醬油的濃亮色澤，炒出焦香鍋氣，甜鹹鮮香的味道！招牌阿甘冇骨海南雞配油飯：份量都好多，有老火湯，雞去晒骨，肉質嫩滑，油飯夠味，保持粒粒分明、富有口感，加咗少許炸蔥頭更添美味！有三款醬料－薑蓉、辣汁、豉油，配海南雞各有特色和味道！套餐可以用優惠價配小食，叫咗一客香茅雞翼，用香茅為主的調味料醃製，再炸至金黃色，熱辣辣！外皮脆卜卜，肉質鮮嫩有汁重好入味！套餐有指定熱飲送，亦可半價配其他飲品：椰汁紅豆冰、椰汁珍多冰、凍南洋奶茶，杯杯都夠份量，甜度和冰都可以揀多定少。椰汁味香甜，奶茶
餐廳地方整潔，侍應都好有禮貌，招呼我哋入座後還介紹今晚新推出嘅晚餐套餐，價錢都抵食，所以我哋每人叫咗一個套餐。
招牌喇沙湯麵：湯底味道豐富濃郁，每一口都有地道南洋的味道。 配以油麵和米粉的滲滲，食落會更有口感，再加入蝦、蟹棒、魚片頭、魷魚圈、豆卜等配料，惹味可口。
檳城炒貴刁：炒貴刁好香口有鑊氣，有小小辣好惹味，用芽菜、蝦、魚片、臘腸和貴刁炒成，帶著黑醬油的濃亮色澤，炒出焦香鍋氣，甜鹹鮮香的味道！
招牌阿甘冇骨海南雞配油飯：份量都好多，有老火湯，雞去晒骨，肉質嫩滑，油飯夠味，保持粒粒分明、富有口感，加咗少許炸蔥頭更添美味！有三款醬料－薑蓉、辣汁、豉油，配海南雞各有特色和味道！
套餐可以用優惠價配小食，叫咗一客香茅雞翼，用香茅為主的調味料醃製，再炸至金黃色，熱辣辣！外皮脆卜卜，肉質鮮嫩有汁重好入味！
套餐有指定熱飲送，亦可半價配其他飲品：椰汁紅豆冰、椰汁珍多冰、凍南洋奶茶，杯杯都夠份量，甜度和冰都可以揀多定少。椰汁味香甜，奶茶奶味香濃。
另外加個甜品星加坡摩摩渣渣，一碗足夠2-3人食，有煙韌的香芋丸和番薯丸、林甜的紅豆、爽滑的涼粉，加入花奶，香甜又有口感，好味！
張貼
