影片
更多
2019-09-23
3660 瀏覽
依間餐廳風格同野食都有啲似和民，不過係平價版。餐廳環境都幾乾淨，服務不錯，值得一讚嘅係上菜速度非常快，而且熟食非常夠熱，睇得出唔係煮定。第一樣要講一定係鰻魚炒飯，真係好有鑊氣，啲炒飯夠乾身，饅魚粒亦好多好足料，一啲都唔腥，個人認為係必食。最衰食得太快，無時間比相機食先。另外我都好推介大家去試蒜片鐵板牛舌，鐵板燒到夠晒熱，一上菜就聞到陣牛味，食落牛味亦相當濃，加埋啲蒜味真係好夾。值得一讚嘅係蒜片唔會煮過火變苦，因為本人試過好幾間日本餐廳嘅蒜香和牛粒都有煮過火嘅問題。魚生部分質素正常，夠新鮮，比放題級數高。魚生飯嘅魚生雖然油脂唔算多，但勝在魚生份量夠多。個人認為始終一分錢一分貨，依個價錢的確冇可能要求極高級嘅魚生飯，整體嚟講，魚生飯嘅性價比都算高，起碼魚生夠多食得夠過癮。不得不提一定係炸廣島蠔，有沙律伴碟唔會太膩，炸粉又唔會太厚，蠔嘅品質都唔錯，入口唔會太油。但小心唔好辣親，因為佢哋係一炸完就上菜，非常新鮮同脆口😝 。壽司都幾有水準，食材新鮮，賣相精緻，一d都吾hea。
第一樣要講一定係鰻魚炒飯，真係好有鑊氣，啲炒飯夠乾身，饅魚粒亦好多好足料，一啲都唔腥，個人認為係必食。最衰食得太快，無時間比相機食先。
另外我都好推介大家去試蒜片鐵板牛舌，鐵板燒到夠晒熱，一上菜就聞到陣牛味，食落牛味亦相當濃，加埋啲蒜味真係好夾。值得一讚嘅係蒜片唔會煮過火變苦，因為本人試過好幾間日本餐廳嘅蒜香和牛粒都有煮過火嘅問題。
魚生部分質素正常，夠新鮮，比放題級數高。魚生飯嘅魚生雖然油脂唔算多，但勝在魚生份量夠多。個人認為始終一分錢一分貨，依個價錢的確冇可能要求極高級嘅魚生飯，整體嚟講，魚生飯嘅性價比都算高，起碼魚生夠多食得夠過癮。
不得不提一定係炸廣島蠔，有沙律伴碟唔會太膩，炸粉又唔會太厚，蠔嘅品質都唔錯，入口唔會太油。但小心唔好辣親，因為佢哋係一炸完就上菜，非常新鮮同脆口😝 。
壽司都幾有水準，食材新鮮，賣相精緻，一d都吾hea。
張貼
