Hungry Monkey (金朝陽中心二期 - Midtown) (已結業)

登龍街食肆餐廳眾多，但係有得食日本菜之餘仲可以有酒吧嘅氣氛真係寥寥可數，今次同同事嚟到金朝陽中心地下happy hour，估唔到依間Hungry Monkey都幾盞鬼喎🥰一嚟到餐廳就比依個醉猩大賽banner吸引，贏咗可以有啤酒杯一隻仲有全單八五折，啱晒啲酒鬼即係我啦😋今次叫咗佢哋滿足感鐵板燒二人前，先有兩款前菜有辣酒凍花螺及芥末章魚紫蘇，花螺辣到十足，岩哂重口味朋友，芥末章魚酸酸辣辣，作開胃菜一流再嚟兩隻生蠔同飛魚子昆布，生蠔Size都幾大，海水味足，質素唔錯，飛魚子係我第一次嘗試，食落索索聲，口感都幾得意然後到今日嘅主角A5和牛坑腩同厚燒牛舌，結果都冇令我失望，廚師兩款都燒得恰到好處，值得一讚食完牛肉仲有蘇炸雞心同燒白鱔，白鱔厚肉彈牙，雞心炸完都唔太油膩😋😋原本個二人餐嘅甜品喺沖繩海鹽雪糕但係今個冬天有期間限定嘅卷蛋，都算係一個驚喜👍👍