芽籠

營業中

休息中

見到門口餐牌都幾吸引，價錢唔貴，環境乾淨又企理，人均唔使$100，就食到以下咁多嘢，味道有驚喜，下次都會再帶朋友嚟食！🐔海南雞飯拼喇沙（$80）海南雞份量好多，雞肉軟滑點汁食一流呀！油飯都幾香，軟硬適中！喇沙就比較重椰香味，細細碗過下口癮都唔錯！🌶蒜蓉辣椒焗沙白（$48）呢個勁好味呀！用錫紙包住，好香牛油蒜蓉味，沙白好新鮮，粒粒都開曬口，鮮甜又入味帶小辣，估唔到份量仲好多，超推介呀！🔥森巴雞肉串燒（$48）雞肉燒得金黃惹味，肉質唔會好乾，唔使點醬都好香入味！呢個價錢有4串，真係好抵食！🧋手工拉茶（$18）大大杯好好飲，唔會太甜，又有茶香味，屬於高質拉茶！