芽籠

營業中

休息中

餐廳：芽籠地點：灣仔道菜式：新加坡菜餐牌：下午茶餐有好多款選擇，有越式湯粉，娘惹風味，米飯撈檬，馬來咖哩，包飲品七選一，無加一，仲可以追加地道小食。厚切豬扒喇沙摻摻 $53厚切豬扒喇沙摻摻熱辣辣上枱，個喇沙湯又香又滑，梛汁又夠，辣度剛好，好惹味。麵底係黃色粗麵加幼身米粉，前者有咬口後者幼滑吸汁，加埋係好正嘅口感。豆卜4件好吸汁。糖心蛋半隻。仲有爽口芽菜，青豆同脆脆加添口感。豬扒一開七件另上，整得皮脆肉嫩，味道甜甜地，墊有少少新鮮生菜絲。無骨海南雞配油香飯 $62海南雞雞件有十幾件，有脾有胸有單骨雞翼，質素唔錯，皮滑肉嫰，頗有雞味。配有三色醬，分別有甜豉油，薑蓉同酸辣醬，自己調味。伴有青瓜三件可解膩。雞油香飯熱辣辣大大碗。蟲草花雞湯入面有蟲草花同蔥花。個湯雞味香濃。街頭雞肉串燒 加$22街頭雞肉串燒一客兩串。雞肉串燒熱辣辣上枱，燒得皮脆啖啖肉，撈埋個參峇醬微微辣，好惹味。墊有生菜絲同酸白紅蘿蔔絲解膩。餐飲包括檸茶檸水，鹹桔水，馬來手工拉茶，南洋白咖啡，桂圓紅棗茶同黑糖薑棗茶。凍飲加$3。熱檸水有三片檸檬。馬來手工拉茶叫左少甜，味道都唔錯，微微甜，質感都好滑。熱桂圓紅棗茶有好多紅棗同杞子加

Lunchtime 想食星馬野，同同事兩個人系灣仔試左間星馬小店雖然lunchtime 人流不絕，但店員服務態度依然好好，系旺區實屬難得👍👍海南雞配油香飯$72海南雞肉質鮮嫩，份量十足食唔停油香飯飯粒偏乾身，粒粒分明有嚼勁馬來燒雞配油香飯$58燒雞層皮好脆唔肥膩，雞肉有汁唔會乾柴烤豬頸肉$28小食大概加$20左加就食到豬頸肉幾爽口，少少油脂更香口雞肉串燒$22雞肉串燒好香香茅味，一人一串岩岩好白咖啡 & 薄荷青檸梳打$12馬拉咖啡有舊街場的風味，好飲梳打唔會太甜，用黎解膩一流

係被 openrice 推薦嚟嘅，工作日同同事一齊嚟食 lunch set ，一份主食配有一杯飲品，唔計加一，價錢實惠，味道仲算可以。整體 cp 值唔低，工作日可以嚟試下，但週末或者晚餐就無咁抵啦。我點咗個叻沙，上嚟好大一碗，味道都好唔錯。美中不足嘅係豬頸肉嘅肉量唔算好大，如果可以有多啲肉就更好喇。但如果要食飽嘅話係可以食飽嘅，底係粉麵兩摻，最後都冇食完。配嘅飲品係金桔水，幾適合冬天嘅。周圍有好多人點咗火山骨嘅 set ，下次有機會一定試下。因為食過唔錯，週末嘅時候晚上嚟打包咗一份海南雞飯帶走，但味道卻有啲一般。油飯好健康，並唔係好油，相對嚟講就冇咁香；雞嘅肉質同分量亦都係咁，遠唔及午餐嘅水平，下次唔會再食海南雞飯喇。

新年完全唔想去拜年，自己去食飯最自在！可以舒舒服服唔使講門面說話，又可以食自己想食嘅！呢幾日天氣凍返啲，我就想嘆返碗越南河粉～6.30pm 去食個早飯！呢間芽籠一個月食幾次，個套餐好抵食，之前次次嚟都係食飯類，今次就去食pho啦！《越式綜合牛肉湯粉（河粉） $90》（不收加一）配 越南炸春卷（2件）配 黑糖薑棗茶好大碗，湯夠熱，味道清香唔會渴。有生牛肉、牛肉丸同牛展。牛肉好嫩又有肉香；牛肉丸細細粒彈牙爆汁，仲有啲筋位有咬口；牛展好爽彈！小食 揀咗《越南炸春卷x2》炸春卷好香脆，餡料滿滿，估唔到仲配埋兩大片生菜比你包住食，蘸埋酸汁好惹味！飲品揀咗 養生啲嘅《黑糖薑棗茶》。 埋單$90，性價比高！

初六開工日！放咗幾日假都選擇喺屋企休息，同屋企人食飯，都無點出過街，襯放工就約朋友食個飯、順便拜個年！朋友喺灣仔道附近做野，約我去呢間芽籠食飯，話抵食又坐得舒服。地方都幾骨仔，卡位座都幾靚，而且有$100內嘅套餐，包主食、小食同飲品（冷熱同價），個餐仲要不收加一，真係好抵！《 海南雞配油香飯 $86 》雞肉好嫩滑，油香飯夠味又好香，個湯好清甜，有驚喜！跟餐配 《 街頭雞肉串燒2串 》雞肉微辣惹味，仲有沙嗲醬提味。《 正宗巴生肉骨茶 配油飯 $92 》個湯好香郁，唔會太濃。肉排厚肉，但唔算嫩，不過蘸黑醬油食都好味，另外仲有兩件油炸鬼，吸湯惹味。*可選 配油飯/米粉*跟餐配 《 咸蛋黃魚皮（餐） 》 好香脆可口，浸少少湯仲好味！跟餐配 《 熱馬來手工拉茶 》 香滑微甜｜跟餐配 凍薄荷青檸梳打凍熱同價very good👍🏻 性價比高，下次再嚟！

原本唔諗住寫食評，但諗諗下記憶下都好。上一次食依間都好耐之前，記錄中唔算差。今次因為夜，所以誤打誤撞又入左去。諗左一陣食d咩，希望其中一個推薦嘅食品：海南雞飯 可以比到我滿足嘅感覺。食物黎到嘅時候，外貌都不錯，即刻試下個飯，都正常嘅油飯。海南雞就非常凍，唔知係因為天氣還是放向雪櫃，但個感覺就係唔好，感覺就快收工或是預先整定嘅感覺，但味道係可以的。湯就有少少偏鹹，但係係一個真係熱嘅食物。總括黎講，有機會下次再試多次，如果未執的話。

同同事都覺得芽籠好抵食，有時會特登等到下午茶時間去食😍♥ 海南雞清雞湯米粉 $52海南雞雞肉肉質好嫩好滑，雞皮好有油光肥瘦適中，成個粉都唔會好油膩，湯底好清香識得出雞嘅鮮味，配咗雞蛋、豆卜同豆角♥ 娘惹茶燻鴨 $62茶燻鴨平時好少試，今次食咗又唔錯喎，燻過既鴨肉口感有啲似鴨胸肉，娘惹風味同隻鴨好夾，但係唔會太過搶味味道啱啱好可以送飯一齊食，配左油香飯飯粒更加香♥ 鹹蛋黃魚皮 $38大推鹹蛋黃魚皮😍份量唔少，每一塊都沾滿鹹蛋黃醬，超香脆好好食，鹹香100分！💯♥ 咖咉多士配溫泉蛋 $28食星馬菜必嗌嘅咖咉多士！牛油厚厚一塊夾住咖咉醬，多士拱得香脆一啖咬落去好邪惡♥熱手工拉茶熱桔仔話梅下午茶有包嘢飲，我哋分別揀咗奶茶同埋桔仔話梅都係星馬菜特色

今日行過灣仔，一直好想試依間新加坡野，裝修大地木原色都幾靚，野食聽講都唔錯既。夜晚去無咩人，晚餐都係60蚊左右就有交易，都算幾平。叫左個娘惹蔥油辣菜圃醬排骨飯，份量都幾大，有三大塊排骨，肉都幾多既。吃落口係幾腍幾入味既，甜甜地既醬香味，唔錯。值得一提係佢個飯有配辣菜圃，都幾辣，唔食辣既人記得走左佢。個飯撈左菜圃吃落爽爽地，幾正，撈埋佢既蔥油就更加香，個配搭又做得幾好。拉茶本身已經有加糖，夠曬甜。唔算好特出但都ok 的。整體黎講幾好，價錢，環境，服務都唔錯👍熱手工拉茶

今日食咗個早餐之後仲未食嘢，預備搭車返屋企嘅時候見到呢間星馬菜有下午茶，價錢相當化算，就入咗去！ 我叫咗一個咖央多士，配奶茶。真係好呀，呢度奶茶有得揀低糖搽香順滑！咖央多士超脆，即叫即整，牛油同咖央嘅份量唔少，比連鎖店更加好食！另外叫咗一個芽籠喇沙掺掺，裏面有大蝦，豆腐卜，魚蛋，魚片，同埋螄蚶。仲包好多芽菜個湯嘅味道好濃亦大少少辣味。材料豐富。呢碗掺掺麵嘅份量都好多，但係大食嘅我真係見到個咖央多士忍唔住😝

芽籠灣仔灣仔道221A號天樂大廈地舖聽聞灣仔的芽籠好食又經濟，今日路過就入去食個海南雞飯。我食左個 海南雞配雞油飯$60，有紫菜貢丸湯。海南雞的雞肉好嫩滑，雞油飯好味，紫肉貢丸湯好好飲。

今日約同閨蜜去左灣仔行街，順道去位於灣仔灣仔道221A號天樂大廈地舖的芽籠食下午茶餐，環境舒適，坐得舒服。我點左個 海南雞配雞油飯及紫菜魚丸湯 $60，追加咖吔多士 $32，餐飲係 熱手工拉茶（少甜）（跟餐）；閨蜜都係點左個 海南雞配雞油飯及紫菜魚丸湯 $60，追加蟹粉蟹肉酥盒 $47，餐飲係 熱香茅紅茶（跟餐）。海南雞配雞油飯及紫菜魚丸湯賣相吸引，雞肉嫩滑好味，紫菜魚丸湯材料豐富好飲；咖吔多士上檯時熱辣辣，好好食；蟹粉蟹肉酥盒好香口好味。

灣仔好好味嘅新加坡菜🥰 朋友推介我嚟呢間食晚餐，有全日套餐，價錢非常抵 仲唔洗加一🫶🏻🍜海南雞清雞湯米粉經典美味的越南風味美食😍 湯底清甜而鮮美，雞肉選用新鮮的海南雞，肉質鮮嫩，搭配滑順的米粉，好好味😚 特別適合在寒冷天氣享用👍🥬櫻花蝦娃娃菜清爽健康的配菜💚 娃娃菜的脆嫩加櫻花蝦嘅香味好吸引！食晒都冇負擔😍🥤熱桔仔話梅水熱桔仔話梅水是一款清新解渴的飲品，酸酸甜甜的味道十分開胃😚😚😚

今日約咗朋友嚟呢間食下午茶，下午茶時段都算多人，外面有架車放住Menu，可以慢慢睇啱先入去！海南雞配雞油飯及紫菜魚丸湯$60：雞肉好嫩，而且無骨，有薑蓉，泰式辣醬及甜鼓油3種醬汁可點。紫菜湯鮮甜，魚丸彈牙。雞油飯可以轉白飯娘惹蔥油辣菜圃醬排骨飯$60：排骨有啲軟骨炆煮，好入味，辣菜圃辣得嚟好惹味，送飯一流。配蔥油食又另一番滋味。咖也多士配溫泉蛋$28：多士香脆，甜甜的咖也醬及牛油夾埋一齊食，外脆內軟，下午茶之選！凍美綠哥斯拉：香濃嘅美綠朱古力，上面再加上大量朱古力脆脆，又有得食又有得飲，不會太甜又有朱古力味，呢個推介👍🏻熱班蘭薏米水：薏米水飲得多，有班蘭味嘅薏米水真係第一次飲，綠綠的顏色好靚，有啲班蘭味，都幾香，甜甜地，仲有塊班蘭葉襯托，幾有風味。

今日休假剛巧路過灣仔，見到新開張試吓新嘢，點了烤雞飯和肉骨茶米粉，味道不錯，經理服務態度好，要求加湯亦安排，飲品點了白咖啡和香茅紅茶。味道可以，價錢不貴，可以再試

餐廳：芽籠地點：灣仔道菜式：新加坡菜餐牌：下午茶餐由兩點做到六點，8款選擇，有主食有輕食揀，包飲品三選一，無加一。魚丸魚條喇沙摻摻 $52魚丸魚條喇沙摻摻熱辣辣上枱，個喇沙湯又香又滑，梛汁又夠，辣度剛好，基本上唔算辣。麵底係黃色粗麵加幼身米粉，前者有咬口後者幼滑吸汁，加埋係好正嘅口感。配料有彈牙炸魚蛋幾條幼條同炸魚蛋三粒。豆卜3件好吸汁。糖心蛋半隻。仲有爽口芽菜，青豆同脆脆加添口感。海南雞配雞油香飯及紫菜魚丸湯 $60海南雞雞件有十幾件，有脾有胸有單骨雞翼，質素唔錯，皮滑肉嫰，頗有雞味。配有三色醬，分別有甜豉油，薑蓉同酸辣醬，自己調味。伴有青瓜幾件可解膩。雞油香飯熱辣辣大大碗。紫菜魚丸湯入面有一粒魚蛋同紫菜加蔥花。個湯味道唔錯。咖哩烤雞肉串配米飯 $50烤雞肉串3串，燒得少少脆皮，好香口，配黃咖哩汁更惹味，我覺得唔辣。伴有半粒車厘茄，青瓜幾塊，花生米同脆口魚仔，加添口感。伴有一大塊香脆蝦片。白飯份量係正餐份量。參峇雞肉串燒 $26參峇雞肉串燒係主餐牌，一客兩串，都可以揀四串。雞肉串燒熱辣辣上枱，燒得皮脆啖啖肉，撈埋個參峇醬微微辣，好惹味。伴有車厘茄半粒同青瓜幾粒解膩。玫瑰荔枝沙冰 跟餐